9 capittel
Opten achsten dach doe riep Moyses Aaron ende sijn kinderen ende die mogentste van den geslacht van Ysrahel ende seide tot Aaron wat hi voir hemselven ende voir dat gemeen volc offeren soude. Doe brochten dat gemeen volc die beesten voir die tabarnakel. Ende Aaron die offertse op dat coperen outaer, dat vleis an sticken gesneden. Ende doe quam daer een vuer van God ende verbarnde dat offer, dat op dat outaer was. Doe dat gemeen volc dat sach, doe vielen si op haer knyen ende dancten Gode.
Auteursrechtelijk beschermd