5 capittel
Die Filisteen die namen die arke Gods ende voerdense in Dagons tempel. Ende des uchtens doe die mannen in den tempel quamen, doe lach Dagon, haer afgod, voir die arcke Gods op der aerden. Doe namen die papen haren afgod ende setten weder op sijn stede. Ende des anderen dages doe die mannen in den tempel quamen, doe lach daer haer afgod weder opter aerden. Ende sijn hoeft was ofgeslegen ende beide sijn handen. Ende after die tijt en dorste daer priester noch nyement anders in den tempel gaen.
Doe plaechde God die van Azot, dat gemeen lant ende gemeen steden. Ende het wort al vervolt mit musen. Ende die darmen ontscoten die menschen beneden uut
Auteursrechtelijk beschermd