Oud-Vlaemsche liederen en andere gedichten der XIVe en XVe eeuwen

CXL. [Vaer wech, ghepeins, God gheve dir leit]

Vaer wech, ghepeins, God gheve dir leit
Dattu ye quaems in mijn ghedacht;
Du bist vort an van mi ontzeit,
Ende ic ontsegghe al dijn gheslacht.
Vaer wech!
Vaer wech, ende vliet van mi ghereit,
Dune laets mi rusten, dach no nacht.

Du aens ghebrant met onbesceit
Mijn herte ende al mijns zinnes cracht;

[p. 226]

 

Mi dwinct so zere dijn aerbeit,

 

In haen no vruecht, no vruechden macht.

 

Vaer wech!

 

Vaer wech, ende doe van mi ghesceit,

 

Dune laets mi rusten, dach no nacht.

 

 

 

Ach, groen nu zi mijn omme-cleit,

 

Want ich mi nie so moede en vacht;

 

Helpstu mir niet, soot mir nu steit,

 

So werdic zaen ghevanghen bracht.

 

Vaer wech!

 

Vaer wech, helf God om vroilicheit,

 

In can gherusten, dach no nacht.