Tot den gunstighen Leser.
Sedert eenighe jaeren herwaerts, zijn in ons Nederlandt uyt-ghecomen veel verscheyde geestelijcke Liedekens-boecxkens, tot stichtinghe vannde Catholijcke ghemeynte, ende sonderlinghe vande jonckheydt, die deur dusdanighe middel, als met ghesuyckert wormkruyt, de deught, de godtvruchtigheydt, ende de geschicktheydt in-drinckt; daer sy anders deur wereldtlijcke ende ydele liedekens lichtelijck wordt tot ydelheydt ende ongheschicktheydt ghetrocken: maer alsoo de lusten ende appetijten der menschen verscheyden zijn, vervallende elck op het ghene dat hem best aenstaet, soo is met goeden raedt van verstandighe lieden, desen gheestelijcke Parnassusoft Blijdenbergh op-gherecht, ende den selven ghestoffeert met schoone liedekens daer van den meesten hoop tot noch toe noyt ghedruckt gheweest en zijn; ende sommighe andere uyt verscheyde boecken uytgetrocken. Op hope datter veel sullen beval in crijghen, ende goet gheestelijck profijt mede sullen doen. Vale.
Auteursrechtvrij