De fragmenten van De tweede Rose
(1958)–anoniem Rose, Die[p. 178] | |
Fragment Bl 3
+ Dat ware te lettel bi mire trouwe
Maer ghi sult hebben bi sente symoen
Wanten surcoet roc ende scoen
Wel gescepen na uwen doene
5
Wildi brunet ofte groene
Geuoedert wel na uwer ghise
Enen pelse van goeden grise
Met warmen mouwen ende met groten
Daer toe warme dicke boeten
10
Die beste die ic vinden moge
Segdi mi niemare die mi doge
Van hare daer ic mi om versla
Mettesen seget si dat ic ga
Vp dien torre daer mi die soete
15
Heeft gemaect te sprekene moete
Met hare so wien dat comt te banen16
Ende eer si sceden wille van danen
Dede si mi op trouwen verstaen
Te welker dore ic in soude gaen
20
Harde vriendelike ende gherne
Vrient seit si ene fauce posterne21
Es ane den torre beneden bachten
Comt al dat in ic sal v wachten23
Ende salse v openen sonder wanc
25
Aldaer es die behendelicste in ganc25-26
Ende die geswaselicste sonder waen
Dese dore en was ondaen
Dies es langer dan een jaer
Jc seide vrouwe bi sente omaer
30
Dit wisen cost mi .c. pont
Wel mi gedochte ter seluer stont
| |
[p. 179] | |
Miins liefs gesellen die mi hiet
Genoech gelouen die mi riet33
So hoet metten gelden ghinge
35
Jc dede also namondelinge35
Als dat die quade abreye horde36
Si was blide van dien worde
Ende haeste haer ende ghinc vore
Ende ic volgede hare toter dore
40
Die si mi wijsde al onuernomen40
+ Alsic vore die dore ben comen
Hadsi van binnen mi ondaen
Ende heeft se aenkerre laten staen
Doe wasic blide ende trac daer binnen
45
Ende sloetse toe die god der minnen
Ghinc met mi ende al siin here
Sonder enege weder were47
Ende geloefde mi bi te staen
Jegen die kuusce wel gedaen
50
Geuielt so dat ics hadde noet
Dies danct ic hem met ioien groet
Dien hogen steger ic doe op clam
Met groter haesten ende alsic quam
Bouen in die ouerste sale
55
Vandic daer die scone smale55
Metten houescen sconen ontfange
Dien ic hadde begert so lange
Of ic was blide dar niemen vragen
Ten iersten dat si mi versagen
60
Stonden si op wel houeschelike
Jegen mi ende vriendelike
Hieten si mi willecome wesen
| |
[p. 180] | |
Jc groetse weder ende mettesen
Nam si mine hant in haer hant
65
Die witter was dan .j. rauen cant65
Ende leedde mi beuaen met minnen
Tote in hare camere binnen
Die scone was van hogen doene
Vp die versche biesen groene
70
Ghingen wi sitten vor een bedde
Jc daer dies leggen wel mijn wedde
Dat geen so diere was int lant
Si began ende seide te hant
Jonchere seit si van uwen hoede
75
Dien ghi mi sendet dor uwe goede
Moet hebben groten danc76
Jc seide joncfrouwe al sonder wanc
Ghine sijt mi clene no grof
Sculdech te dankene daer of
80
Neware ic mach v danken mere
Die ghi mi ioncfrouwe daet daer ane
Dat ghine werdeget tontfane
Ende wet dat gewaerlike
85
Jc en hebbe dinc op erderike
Het en si uwe ende tuwen gebode
Vor alle die leuen onder gode
Ende waer dat sake dat ict doen mochte88
Dienst die v bequame dochte
90
Dien soudic doen wien quaet of goet
Om te stortene mijn bloet
Dan willic laten om geen verdriet
Of ghi hier af oec twiuelt iet
| |
[p. 181] | |
So proeft mi doch in eneger maniere
95
Ende ic v oec ter noet faelgiere
Sone moetic hebben nemmermere
Ruste goet bliscap no ere
Van goede van lichame ende van leden
God moetu lonen uwe hoefscheden
100
Sprac die scone al des gelike
Seggic v weder gewaerlike
En es dienst no dinc en gene
Jn dese werelt groet no clene
Die satelic ende eerlic ware104
105
Jnne soudse stille ende openbare
Daer ghise begeret doen dor v
Tallen tiden ende nv
Jn hebbe dinc en gene so goet
Die v beuiele in uwen moet
110
Ghine mochter ouer gebieden wale
Alst uwe ware al tenen male
Ghelijc mi seluen in allen sinne
Jn goeder vrienscap ende in minne
Sonder heesch ende weder bot114
115
Jc seide ioncfrouwe dit lone v god
Sint ghi orloeft mi vwe dinge
Ghelijc dat ghi iet beghiet
Sone willic langer beiden niet
| |
[p. 182] | |
120
Taneuaerde dinc die behort te v120
1 vo b Want ghi hier bi v hebt al nv
Sulke dinc in uwer geleeste
Daer mijn herte meerre feeste
Ende meerre ioie maken soude
125
Haddicse dan van alden goude
Dat alexander die coninc hilt
Doe hi leefde in sire gewilt
Of enich ander verre of bi
Mettesen so verhaestic mi
130
Ende nam die goedertiere fine
Vriendelic in den arme mine
Om te plucke hare rose fijn132
Met te vervulne den wille mijn
Want bedi ic waende wale134
135
Ane hare sachte simple tale
Ende ane haer meinderlic gelaet136
Dat verwandelt waer hare raet
Ende dat lichtelike soude siin gedaen
Maer het ghinc anders sonder waen
140
So doet oec vele dat riese pensen
Gaet dicke anders dan sijt vensen141
Soe deed mi want doe ic die rose
Plucken waende sonder nose
Ende ic mine hande daerwert boet
145
Riep si dangiere diet mi verboet
Daer toe scamelheden ende vare146
Die op mi riepen ware ware
Vliet henen vte quaet pautenier
Die duuel brochte v weder hier
150
Die v weder vte sal leden
Ende doen met lachtre henen sceden
| |
[p. 183] | |
Ghine maect v wech van voet te voet152
Dies ghebreect oec lettel goet
Wine souden v uwe hersenen clouen
155
Of van den liefsten lede rouen155
Ne lieten wiis seluen dor gode niet
Hets al om niet dat ghi spiet
Aldus ne suldi ons niet versotten
Ghi siit der scoenre rose botten
160
Ten naesten dat ghire nemmermere
+ Comen sult bi eneghen kere
Hoe lettel of vele dat v hande162
Mettien so namen bede mijn hande
Met crachte ende stakense achter waert
165
Jc was droue ende sere veruaert
Want icse sach gemeenlike
Verbolgen so nerenstelike
Sine wisten wesen van wat voeren168
Si clageden si vlieken ende si swoeren
170
Stoc ende stene sante ende santinnen170
Aldat ic daer ane soude winnen171-2
Jc mocht in enen wetsteen knopen
Daer na began mi sorge nopen
d Oe sprac die scone maget gestade
175
Te mi bi deser drier rade
Segt mi seit si quaet verradre
Wildi mi scenden al te gadre
En trouwen ia ghi dat sie ic wale
Qualic verstondi mine tale
| |
[p. 184] | |
180
Hoe ic v op in eren boet180
Al dat ic hadde clene ende groet
Want mire herten niene rochte182
Ende naemt die ic vort brochte183
Simpelike na den sin184
185
No die verstannesse die was daer in185
Dats ane uwe dade wel anscijn186
Daer oec die vriende te gader sijn187
Ende deen den andren dor hare rede188
Biet sinen dienst of scoenheit mede189
190
Dats te verstane in goeder wise
Na dien dat seggen ons die wise
Al neest niet sonderlinge vermont
Dat ghi mine tale dan els verstont
Dan mine meninge was ic daer inne194
195
Dat quam bi uwen rumen sinne195
Ofte neen ghi sijt ghewone
Bi costumen dus te doene197
Ende conterfeit den vroeden sot
Jc en ben so dul niet wete god
200
Dat ic v mine rose bode
| |
[p. 185] | |
Want het ne ware godeweit
No weder ere no houescheit
Dat icse v bode ende ghise wout
205
Of dat ghise mi oec bidden sout
Of nemen sonder eesch of bede
Als ghi mi bood nv hier ter stede
Al uwen dienst ende al v goet
Wat peinsdi in uwen moet
210
Daeddi dat om mi te hoenne
Ende om uwe loesheit te verscoenne211
Die ghi peinset int herte binnen212
Op sulken tekine van minnen213
Om mi te rouene die rose mijn214
215
Mi dinke ia ghi dats anschijn
Ane uwe dade sonder waen
Hadde uwe begerte oec vort gegaen
So haddi mi al op ontheert
Maer neen ghi niet god sijs geheert
220
Die ter noet te helpene pliet220
Al dat ghi pijnt dats om niet221
Die rose ne wert v nemmermere
Al soude van torne ende van sere
| |
[p. 186] | |
V herte breken in .c. sticken
225
Daer wert en dordi nemmeer micken
Dies sijt seker ende wijs
Maer mict te rumene dit porprijs227
Met haesten eer ghi doet iet el228
So doedi vroetscap ende wel
230
Ter ander tijt maectic v scu230
Dor ene mesdaet so salic nv
Al v leuen sonder waen
Gaet elre nv v hoenre vaen
Hier en begeric uwes comens twint
235
Wel was si van sinne kint
Die sulken ries hier comen dede
Bi haren rade bi haerre bede
Maer si niet kinde v gedochte
Doe si v comst an mi versochte
240
Hadsi te uoren wel ghewiste240
Sine hads mi dorren raden nie
Al te sere bedrogic mie243
Dat ic v alte vriendelic ontfinc
245
Ende in mine camere met v ghinc
Ende togede v vriendelic gelaet
Daer ghi na minen lachter staet
Ende hebt gedaen oec tander stont
Mi es ghesciet als die den hont
250
Roit ouer twater met scepe want
| |
[p. 187] | |
Als hine heeft geset ant lant
Hi bast vp hem ende wilne biten
Andren verscat sone wilhi quiten253
Dat mach hi winnen ane sine wel daet
255
Aldus so wint hi die den quaet
Eert hi doet hem lachter weder
Nv maect v henen ende gaet neder
Den graet van vrienscepen ende van minnen
Of ic roepe hier sulken binnen
260
Die v hoefdelike af sal steken260
Al soude v thersen coppijn breken261
Ouer wanech sot fel tyran262
Quaet smekre ongetrouwe man
Wat hebbic iegen v mesdaen
265
Dat ghi mi hebt verhaet dus saen
Ende ghi mi dus loselike wilt verraden
Ende berouen te minen scaden
Die werde rose botte fijn268
Daer al ane staet die weluaert mijn
270
Hoe dorsti wesen nie so coene
Dat te peinsen of te doene
Daer ghi mine herte mede onthuecht
Ende ic v hebbe sulke duecht
Ende sulke houescheit nv gedaen
275
Dat ic v hebbe hier ontfaen
Jc hebbe v gemaect te sprekene stade
Buten ialousien rade
Ende alle mire vriende wille
Die om ons spien lude ende stille
280
Ende ons souden doden te waren
+ Mochten si mi dus bi v beuaren
| |
[p. 188] | |
Ende boet v dienst ende scoenheit mede
Daer ic dulheit groet ane dede
Want om dit selue dat ic ane v
285
Hebbe gedaen eer dan nv
Sal mine vancnesse si siin vernouwet286
Dat ghi mi nemmermeer en scouwet
Na v wien soet comt te banen288
Mettien sprongen hare die tranen
290
Van erren moede vute beden ogen
Doe mochtics niet gedogen
Ende vel vor hare op mine knien292
Ende ane spracse aldus mettien
AY edele ioncfrouvwe mijns genade
295
Van deser groter ouerdade
Willic tuwert bliuen al
Es si groet of es si smal
Die dulheit die ic hebbe gedaen
Die dede mi minnen cracht bestaen
300
Die mijn herte dwanc daer toe
Mits uwer scoenheit ware so hoe
Dat dauenturen comen sijn
Emmer sijn die sculden mijn
Ende niemens el volmaecte soete
305
Bedi eest recht dat icse boete
Te uwen wille godeweit
Dies benic altoes gereit
Vp sulke vorwaerde ioncfrouwe goet
Dat ghi nu uwen euelen moet309
310
Ende uwe wan conste wilt vergeuen
Jc wille mi wachten al mijn leuen
| |
[p. 189] | |
Te vechtene of te doene sake
Daer ghi omme moget sijn tongemake
Jn deser wijs ende bouen al desen
315
Willic getrouweliker wesen
V eygijn dienst man al mijn lijf
Vp sulke vorwarde scone wijf
Dat ghi v iegen mi gemaet
Ende mi verholenlike laet
320
Met v bliuen geuaen hier bouen
|
|