Segheliin. Codicologische, bibliografische en tekstkritische studie en editie

[p. 7]

3g.

	Herte sin ende haren moet	74
	Die scone was ende goet	75
65	Was aen gode van iherusalem	76
	Die daer te voren als ic seker ben	77
	Wt was gheleyt als een dief	78
	Ende ghedoot al om der miskief	79
	Om onsen sonden al ghemeene	80
70	Blensefluer die vrouwe reene	81
	Die minde ihesum den prophete	82
	Gode had si aldus ghebeden	83
	Mocht si crighen een knapelkint	84
	Si soude den wet also men vint	85
75	Van kersten hede ane gaen	86
	Mer nu en dorst si des niet bestaen	87
	Om dat si sonder hulpe was	88
	Daer na gheuielt als ic las	89
	Dat si droech een knapelkint	90
80	Daer groot wonder of quam sint	91
	Doe dus droech die scone fijn	92
	Ende het naect haren termijn	93
	Dat si verledighen soude daer of	94
	Doe dede die coninc in sijn hof	95
85	Tot hem comen een astronomien	96
	Die inder sterren conste sien	97
	Hi hiet hem dat hi soude waken	98
	Alden nacht. ende hem vroet maken	99
	Wat vanden kinde soude gheschien	100
90	Dat die vrou droech die astronomien	101
	Ghinc des nachts sien in die sterre	102
	Daer sach hi des wert hi erre	103
	Vanden wonder dat hi sach	104
	Doet quam anden sconen dach	105
95	Ontboot die coninc den astrononien	106
	Ende vraechde hem wat hi had gesien	107
	In die sterren ende verstaen	108
	Die meester antwoerde saen	109
	Heer coninc ic hebbe wonder ghesien	110