Segheliin. Codicologische, bibliografische en tekstkritische studie en editie

	Vergheeft mi dat ic v heb gheslegen	2374
2190	Tis mi leet bi mijnre trouwe	2375
	Ay coninc here dat v bescouwe	2376
	De gherechte waerheit sprac segelijn	2377
	Des danc ic den scepper mijn	2378
	Die v dat hert heeft verleent	2379
2195	Die coninc van groten moede weent	2380
	Dat seghelijn gode danct	2381
	O wach sprac hi dits bedwanc	2382
	Dat mijnre herten is partye	2383
	Teghen mi sijn dat moet ic lyen	2384
2200	Die oetmoedicheit die hi doet	2385
	Die maect mi enen sachten moet	2386
	Dat hi hem aen gods wet wil versellen	2387
	Dat doet mi therte binnen quellen	2388
	Dus strijt mijn hert tegen mijn moet	2389
2205	Dat hi hem quaet gan ofte goet	2390
	Nochtan laet ic mi de doecht verwinnen	2391
	Dus reden si te iherusalem binnen	2392
	Daer seghelijn wel was ontfaen	2393
	Van sijnre moeder die was gestaen.	2394
2210	Ter valbrugghe en lieghe v twint	2395
	Ende sprac willecome lieue kint	2396
	Also hoer dat woert ontscoet	2397
	Van scaemten wert seghelijn root	2398
	Vanden woerde dat si seide	2399
2215	Robolijn ende die coninc mede	2400
	Saghen dat segelijn sijn verwe veruyn	2401
	Robolijn seide heer coninc	2402
	Sijt des seker op mijn lijf	2403
	V vrouwe mint desen katijf	2404
2220	Si sel ymmer met hem ontscaken	2405
	Ende v so veel te doen maken	2406
	Dat ghijs genesen en sult nimmermeer	2407
	Of ghi wilt verwacht v des heer	2408
	DIe coninc seide ic wilt verstaen	2409
2225	Bet dan ic hebbe ghedaen	2410