Sommighe nieuwe schriftuerlijcke liedekens
(1591)–anoniem Sommighe nieuwe schriftuerlijcke liedekensSchriftuerlijck Refereyn.
MEt den nieuwen Jare laet ons leven +
Als nieu gheboren kinderen verheven, +
Deur t' woort der waerheyt, begort met den bandt +
Der liefden vierich, van Godts Gheest gedreven, +
Als in de tafelen onser herten gheschreven +
Eenen claren brief Christi schoone playsant,
Die een yegelick mach lesen met goet verstant,
En met vreuchden Godt loffelijck prysen +
Aensiende ons licht hooghe oprysen, +
Als een claer Morghen-sterre triumphant, +
Den naeckten cleeden, den hongherigen spysen +
In summa, alle goede wercken bewysen, +
Volghende van herten die waerheyt naer
Want sodanighe fijn // moghen roepende sijn +
Abba lieve Vader, in dit nieuwe Jaer. +
Die gheboren sijn uyt Godt Almachtich +
Sijn oock de Godtlicke natuere deelachtich +
Hy is de Liefde, een Godt des vreden, +
Zijn kinderen moeten oock sijn eendrachtich +
Vreedsaem, en duer het gheloove crachtich +
Den enghen wech gehoorsaem treden, +
Lijdtsaem, goets moets, met goede zeden +
Malcanderen tot liefde verwecken,
Haer naesten ghebreck swyghen en decken
Want wy sijn al te samen leden, +
Christus is t' Hooft reyn sonder vlecken, +
Laet ons hem bidden sonder vertrecken,
Dat hy ons gheve zijnen Gheest eerbaer, +
Alsdan moghen wy, Godt wel namen vry +
Abba lieve Vader, in dit nieuwe Jaer. +
Die nieu gheboren sijn, na Christus aert +
Beminnen Godt boven al vermaert.
Ende zynen naesten als hem selven doet +
Heeft oock lief dien, die van hem is ghebaert, +
| |
[p. 54] | |
Nae Christus ghebodt, so Joannes verclaert
+Waer by men kenlijck weten moet,
Dat ghy (seyt hy) sijt mijn Discipel goet
+Ist dat ghy liefde tot malcanderen draecht
+En met neersticheyt na den vrede jaecht
+So wert u ghebedt Godt een reucke soet
+En een Offerhande die hem behaeght,
+Met sulc een herte bidt ooc onversaecht
+Om des heylichs Gheests verlichtinghe claer
+Op dat ghy dan meucht // anroepen verheucht
+Abba lieve Vader, in dit nieuwe Jaer.
Princesse Gods uytvercoren vriendinne
Van eeuwicheyt voorsien in den beginne
+Gedenckt hoe jammerlijck ghy laeght ghevaen
In s Duyvels ghewelt, verblint van sinne,
En hoe ghenadich hy u uyt minne
+Heeft verlost, en d' oghen open ghedaen,
In 't licht gebracht/ en voor zijn kint ontfaen
+Nu dat uytvercoren gheslachte sijt,
+Dat Coninclijcke Priesterschap gebenedijt
Dat volck des eygendoms geworden saen
+Ghy die geen volck en waert in voorleden tijt
+Maer nu Godts volck goet, deur Christum bevrijt,
+Hy is ons hope, troost, stercke Pylaer,
+Dus met betrouwen, roept int benouwen
Abba lieve Vader, in dit nieuwe Jaer.
Dit cleyn vermaen, jonstich ghedaen, om te ontgaen, swaer, grief,
Wilt wel verstaen, in danck ontfaen, voor een nieuw' Jaer brief,
En gade slaen, u sonder waen, heb ick voorwaer, lief.
Verbeyt, met lydtsaemheyt, en in hopen sijt, verblijt,
Alle dinghen saen, vergaen, en zynen tijt deurlijt.
G.V.E. |
|