Sommighe nieuwe schriftuerlijcke liedekens
(1591)–anoniem Sommighe nieuwe schriftuerlijcke liedekensop de wyse: Aenhoort o Israel, etc.
MEt droefheyt groot
Mach ick tot Godt wel claghen,
Het jammer ende swaer verdriet,
Dat nu gheschiet,
So dat den noot
+ Der seven laetste plaghen,
Daer Apocalips af bediet,
+Commet nu siet,
En dat de draeck, om doen zijn saeck,
Nu is bevonden, te sijn ontbonden,
En brenght tot strijdt, met haet en nijt,
Gog en Magog vol zonden,
+Dat druck begint, al na Christus vermonden
+Dat den Vygheboom knoppen ghewint,
+Dit wel versint.
Versint u wel,
+Ghy gheloovighe gronden,
+De handen salmen aen u slaen,
+Nemen ghevaen,
+En leyden fel,
+In den Kercker ghebonden
| |
[p. 103] | |
Ofte ghesloten seer belaen, +
Sult ghy daer staen, +
Om Christus Naem, so wert u faem +
Seere mispresen, veracht midts desen,
Ende ghy sult, al sonder schult,
Seere ghehatet wesen,
Van Heeren groot
Wert ghy seere begresen,
Beveelt Godt u aenvallende noot, +
Tot in de doot.
Krijgh doodelijck
Is nu in dese Landen, +
Dat d' een volck teghen d' ander staet,
Seer obstinaet, +
Haer doen publijck
Is rooven ende branden,
Verraderye nu omme gaet,
Nydich en quaet, +
D'ongherechticheyt, so Schrift uytleyt,
D' overhant ervet, liefde verstervet,
T' bruyssen der Zee, met vrees en wee, +
s' Menschen herte doorkervet,
So dat versmacht
Menich en bedervet,
Verschrickt van dinghen onsacht,
Die men verwacht. +
Verwacht den Heer, +
Die wellust elck versake, +
Sober, rechtveerdich weest bereyt, +
So Christus seyt,
O Syon teer,
Staet op de eerste wake,
En van de deure niet en scheydt,
Also verbeydt
Den Coninck schoon, die u tot loon +
Zijn Rijck zal gheven, dat eeuwich leven, +
Waeckt ende bidt, dat ghy besit,
Anders comt ghy in sneven, +
Doch versuymt niet +
| |
[p. 104] | |
Gods ghenade verheven,
+Op dat u Esaus verdriet
Niet en gheschiet.
T' gheschiet, nu siet
Dat men seer veel erreuren
Dus siet onder de Menschen quaet,
Ende verstaet,
Dat zy om niet
D' onschuldighe doen treuren,
Die willen volghen Christus raet,
Comen in smaet,
+Satan vol spijt, heeft cleynen tijt,
Bedrijft zijn keuren deur zijn labeuren,
Door leughens bloot, en valscheyt groot,
Brenght hy t' volck in doleuren,
t' Lams Bruydt seer soet,
Die moet het oock beseuren,
O Prince Godt, u Volck behoedt
Voor quaet ghebroet.
|
|