Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Trotwaer. Jaargang 31 (1999)

Informatie terzijde

Titelpagina van Trotwaer. Jaargang 31
Afbeelding van Trotwaer. Jaargang 31Toon afbeelding van titelpagina van Trotwaer. Jaargang 31

  • Verantwoording
  • Inhoudsopgave



Genre

proza
poëzie
sec - letterkunde

Subgenre

tijdschrift / jaarboek


© zie Auteursrecht en gebruiksvoorwaarden.

Trotwaer. Jaargang 31

(1999)– [tijdschrift] Trotwaer–rechtenstatus Auteursrechtelijk beschermd

Vorige Volgende
[pagina 51]
[p. 51]

Meiwurkers

Wilco Berga (1947) is wurksum as byldzjend keunstner en skriuwer, yn it Frysk en it Nederlânsk. Fan him ferskynden dichtbondels, romans en toanielstikken (û.o. útfierd troch Tryater). Sette lieten fan Brel oer yn it Frysk en skreau sels in tal lietteksten dy't troch ferskate artysten op Cd set binne.

Sjoerd Bottema (1948), learaar Nederlânsk en Frysk yn Ljouwert en redakteur fan Trotwaer, debutearre yn 1994 mei It fertriet fan dokter Kildare, ferhalen út Westerwierrum. Foarich jier ferskynde syn twadde boek, Neaken as in ierdbei.

Lida Dykstra (1961) is keunsthistoarikus. Wurke by de Stichting Monument van de Maand en it Museum Joure. Debutearre yn 1994 mei it berneboek Sjoerd Stiensma syn reis troch de tiid. Publisearre dêrnei noch fjouwer Fryske en twa Hollânsktalige berneboeken, koarte ferhalen, fersen en lesmateriaal.

Tony Feitsma (1928) publisearre op it mêd fan midfrysk (Gysbert Japicx), grafematyk, sosjolingwistyk, taalnoarm, literatuersosjology, taalskiednis, skiednis fan de frisistyk en de Fryske Beweging, en benammen yn de lêste jierren oer Joast Halbertsma as taalkundige.

grethe v.d. geest (1955) skûlnamme. Reizget as edukatyf wurker yn it folwoeksenenûnderwiis sa'n bytsje de hiele provinsje troch. Jout Nederlânske les oan û.o. analfabeten en kompjûterles oan sancamde digibeten. Skriuwen is foar har mear needsaak as frije wil, sa't autoriden en kompjûterjen dat ek binne. Wûn earder in twadde priis yn in skriuwwedstryd fan de Stichting Literaire Activiteiten yn it Fean. Debutearret yn dit nûmer.

Lolkje Hoekstra (1968) is redakteur fan Trotwaer. Skriuwt koarte ferhalen en toanielteksten. Brûkt it Frysk en it Nederlânsk en wurdt yn beide talen publisearre c.q. spile. Krige foar twa ferhalen de Rely Jorritsmapriis (1994 en 1995), wûn yn 1993 de earste AFUK-jongereinpriis. Wennet yn Grins en wurket by Albert Heijn.

Jan Pieter Janzen (1945) wurket as learaar skiednis, maatskippijlear en kulturele en keunstsinnige foarming yn Ljouwert, is (ein)redakteur fan Trotwaer. Skriuwt stikken en stikjes oer skiednis, kultuer, polityk en media.

U.G. de Jong (1925). Jonge jierren yn Aldeboarn behearske troch oarloch en besetting. Wie fan 1957-1987 redakteur fan de Leeuwarder Courant. Skreau de jeugdsearjes De zwalkers en De jonge geuzen en ek twa Fryske romans: De leave Fekke (1980) en De helper (1991).

Jelle Kaspersma (1948) is skoalmaster, publisearre in tal dichtbondels (1996: Ta de bonken úttekene) en oersettingen fan Yndiaanske dichters.

Jitske Kingma (1959) folge in oplieding oan de pedagogyske akademy mar besleat om yn elts gefal gjin skoaljuffer te wurden. Debutearre yn 1989 mei it reisferhaal In dûk yn 'e Ganges. Is no goed tsien jier redakteur by it Friesch Dagblad.

Henk van der Meulen (1925) wie redakteur fan de Leeuwarder Courant, dêr't er no noch resinsjes foar skriuwt. Fan him ferskynde yn 1997 in monografy oer de byldzjend keunstner Jerre Hakse.

Mette Meinou Piebenga (1944) hat in heale baan yn it basisûnderwiis, helle yn 1997 twaddegraads Frysk en fersoarget no ek kursussen foar de AFUK. Skriuwde koarte ferhalen yn ûnderskate sammelbondels en krige twa kear de Rely Jorritsmapriis (1990 en 1993).

[pagina 52]
[p. 52]

Tjitte Piebenga (1935) siet in fearnsieu by it spesjaal ûnderwiis yn Ljouwert, skreau sa út en troch ris in ferske of in boekje, wie de lêste jierren foaral op kabaret- en toanielmêd dwaande, skriuwt poëzije-kritiken yn 'e Leeuwarder Courant.

Trinus Riemersma (1938) is húshâlder, boadskiprinder en itensierder te Frjentsjer. Skreau resinsjes foar Frysk en Frij. Fierder is er tige besteld mei it op floppy bringen fan eigen en oarmans teksten en it redigearjen dêrfan.

Doeke Sijens (1955) is redakteur fan Trotwaer. Fan him ferskynde foarich jier de ferhalebondel Nei it lân fan palmerûzjen. Hy wurket oan in biografy fan Reinder Brolsma.

Albertina Soepboer (1969) is redakteur fan Trotwaer en wurket as skriuwster en publisiste. Publisearre yn it Frysk de dichtbondels Gearslach en De twirre yn 'e tiid. Yn it Nederlânsk ferskynde fan har De Hengstenvrouw. Ein foarich jier ferskynde de twatalige bondel It nachtlân.

Tineke Steenmeijer-Wielenga (1946) is direkteur fan it FLMD, wie resinsint Fryske literatuer by de LC, publisearre in dichtbondel, in roman en literêr-histoaryske skôgings; (mei)besoarchster fan de Samle fersen fan Schurer, Postma, Troelstra en Spanninga. Dizze moanne ferskynt Moard yn it Provinsjehûs, in detektive fan Frans en Tineke Steenmeijer.

Henk van der Veer (1954) is ûnderwizer, redakteur fan Trotwaer en resinsint foar it Sneeker Nieuwsblad. Besprekt jeugdliteratuer foar Byntwurk. Publisearre û.o. trije dichtbondels Skrousk, Je mutte hore wie ut seit, Dàt ok noch en deagewoandea en (tegearre mei Doeke Sijens) In útjouwerij fan Quize-Quânsje.

Piter Yedema (1941) wie fan berop gemysk analist learaar natuerkunde. Hâldt him dwaande mei poëzy, proaza, krityk en fertalen.

Johan van der Zee (1942) wurke as redakteur by de Fryske Utstjoering van de Regionale Omroep Noord en Oost, is sûnt 1968 redakteur-ferslachjouwer yn Fryslân by it televyzjeprogram Van Gewest tot Gewest, dêr't er sûnt 1992 ek pleatsferfangend einredakteur fan is. Skreau yn Frysk en Frij oer media.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken