Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .xxij. Capittel.

1

Ga naar margenoot+ENde daer ghingen drie iaren omme, dat gheen oorloghe en was tusschen die van Sirien ende Israel.

2

Maer inden derden iare troc Iosaphat die Coninc van Iuda af totten Coninc van Israel,

3

ende dye Coninc van Israhel sprac tot sinen knechten. En weet ghy niet dat Ramoth in Ga naar margenoot* Galaad) onse is? ende wy sitten stille versuymende, ende en nemense niet vander hant des Conincs van Sirien? Ga naar margenoot+

4

Ende sprac tot Iosaphat. En sult ghi niet met my trecken inden strijdt te Ramoth in Galaad?

5

Iosaphat sprac totten Coninc van Israel. Gelijck ic ben so zijt ghy ooc, mijn volck ende v volc zijn een, ende mijn rosuolc is v rosuolc. Ende Iosaphat sprac totten Coninc van Israhel. Ga naar margenoot+ Ic bidde v, vraecht doch huyden om dat woort des HEREN.

6

Doen vergaderde die Coninc van Israel die propheten bi vier hondert mannen, ende seyde tot hen. Sal ick tot Ramoth in Galaad trecken om te striden, oft sal ict laten staen? Si spraken.

Trect op die HERE salt in die hant des Conincs gheuen.

7

Iosaphat sprac. En is hier geen propheet des HEEREN? dat wi door hem vraghen?

8

Die Coninc van Israel sprac tot Iosophat, Daer is noch een man, Micheas, dye sone Iemla, door welcken wy den HERE vragen moghen. Maer ic hate hem, want hi en propheteert my geen goet, maer altoos nyet dan quaet. Iosaphat sprack.

En spreeckt alsoo doch niet Coninck.

9

Doen riep dye Coninck van Israel een camerlinc, ende sprac. Brenghet haestelijck hyer Micheam, den sone Iemla.

10

Ga naar margenoot+Die Coninck van Israel, ende Iosaphat die Coninc van Iuda saten elck op sinen Coninclijcken stoel, ghecleet met Coninclijken cleederen, op die plaetse voor die duere, aen die poorte van Samarien, ende alle die propheten propheteerden voor hen.

11

Ende Zedechia [kolom] die sone Canaan, had hem eenen yseren hoornen ghemaect, ende sprack. Aldus seyt dye HEERE. Hier mede suldy Sirien stooten, tot dat ghise vernielt.

12

Ende alle die propheten propheteerden also, ende seyden.

Trect op tot Ramoth in Galaad, ende vaert geluckelijc, die HERE salt in des Conincs handt gheuen.

13

Ga naar margenoot+Ende de bode die gegaen was om Micheam te roepen, seyde tot hem, Siet der propheten redenen zijn eendrachtelijc, sprekende goet voor den Coninck, so laet nv v woort ooc zijn, als dat woort der seluer, ende spreect goet.

14

Micheas seyde, Also warachtelijc als God leeft, ic sal spreken, so wat die HERE mi seggen sal,

15

Ende doen hi totten Coninc quam, sprac die coninck tot hem. Michea, sullen wi tot Ramoth in Galaad trecken om te striden? ofte sullen wijt laten staen? Hi sprack, Ia, trect op, ende vaert geluckelijc, die HERE salt in des Conincs hant gheuen.

16

Die Coninc sprac wederom tot hem. Ic beswere v eens ende anderwerf, dat ghy my nyet anders en segghet, dan dat die waerheyt is, inden naem des HEREN.

17

Ga naar margenoot+Hi sprac. Ic sach geheel Israel verstroyt opten berghen, als die schapen die ghenen harder en hebben. Ende die HEERE sprac en hebben dese ghenen Heere? Elck keere tot sinen huyse met vreden.

18

Doen sprac dye Coninc van Israel tot Iosaphat. En hebbe ict v niet gheseyt, dat hi mi niet goets en propheteert, maer altoos niet dan quaet?

19

Maer hi deder noch meer toe segghende, Daeromme hoort nv dat woort des HEEREN. Ick sach den HEERE sitten op sinen coninlijcken stoel, Ga naar margenoot+ ende alle dat hemelsche heyr neffens hem staen, tot zijnder rechterhant ende slinckerhant.

20

Ende dye HERE sprack. Wie sal Achab den Coninc van Israel bedriegen? ende wijs maken dat hi op trecke, ende valle te Ramoth in Galaad? Ende die eene seyde dit, ende die ander seyde dat.

21

Doen ginck een gheest wt, ende tradt voor den HERE, ende sprack. Ic sal hem bedrieghen ende dat wijs maken.

22

Die HEERE sprack tot hem. Waer mede? Hy sprack. Ick sal wt ghaen, ende sal eenen valschen lueghenachtighe gheest zijn in alle zijnder propheten mont. Hy sprack. Ghy sult hem bedrieghen ende ouermoghen, ghaet wt, ende doet also.

23

Nv siet, die HEERE heeft eenen valschen lueghenachtighen geest ghegheuen in alle deser uwer propheten mont, dye hyer teghenwoordich zijn, ende dye HERE heeft quaet

[pagina x5r]
[p. x5r]

teghen v ghesproken.

24

Ga naar margenoot+Doen ghinck Zedechias sone Chanaan toe, ende sloech Micheam op zijn kinnenbacken, ende sprack, Hoe is dan dye gheest des HEEREN van mi gheweken, ende heeft hi tot v gesproken?

25

Micheas sprac, Ghy sullet sien in dien dage, als ghi van die een camer in die andere sult gaen, dat ghi v verbergen moecht,

26

Die coninc van Israel sprac, Neemt Micheam, ende laet hem bliuen by Amon, den borghemeester, ende by Ioas den sone Ga naar margenoot* van Amalech)

27

ende segt hen, Aldus seydt die coninck, Settet desen inden kercker ende spijset hem met broot des drucs, ende water der benautheyt, tot dat ick met vrede weder come,

28

Ende Micheas sprac, Coemt ghi met vreden weder, soo en heeft die HERE door my niet gesproken, Ende hi sprac, Hoort toe alle tvolc,

29

Also troc die coninc van Israel, ende Iosaphat de coninc van Iuda op tot Ramoth in Ga naar margenoot* Galaad)

30

ende die coninc van Israel sprac tot Iosaphat, Ga naar margenoot+ Neemt uwe wapenen, ende gaet inden strijt, ende doet uwe cleederen aen, Maer die coninc van Israel veranderde zijn cleederen, ende troc inden strijt,

31

Maer die coninck van Syrien hadde geboden den ouersten princen ouer sine wagens, der welcker tweendertich waren, ende sprac, Ghi en sult niet strijden tegen cleyne noch groote, maer tegen den coninc van Israhel alleene,

32

Ende doen dye ouerste princen der waghens Iosaphat sagen, soo meynden si, dat hy die coninck van Israhel ware, ende vielen op hem met strijde, Maer Iosaphat riep,

33

Doen dye ouerste princen der waghens saghen, dat hi dye Coninck van Israhel niet en was, soo keerden si achterwaerts van hem.

34

Ga naar margenoot+Maer een man spien den boge, ende schicte zijn gheschutte onseker, ende schoot bi geual, den coninc van Israel tusschen die maghe ende longe, Ende hi sprac tot sinen voerman keert v hant, ende voert mi wt den heyr, want ick ben swaerlijck ghewont,

35

Ende dye strijt Ga naar margenoot* wert gescheyden) in dien seluen dage, ende die coninck stont op den waghen, tegen dye van Syrien, ende starf tsauonts, Ende dat bloet vloeyde vander wonde midden inden wagen

36

ende men liet wt roepen, door den trompet slach int heyr, eer die sonne onderghinck, ende segghen, Elc gae in zijn stadt, ende in zijn lant.

37

Also sterf die coninc, ende wert te Samarien gebracht, ende si begroeuen hem te Samarien, Ende wiesschen sinen wagen in den poele van Samarien,

38

ende die honden lecten zijn bloet op, Ga naar margenoot* Ende si wiesschen die thomen ende [kolom] halfteren,) naden woorde des HEEREN, dat hi ghesproken had,

39

Wat meer van Achab te seggen is, ende al wat hi gedaen heeft, ende dat yuoren huys dat hi timmerde, ende al die steden die hi getimmert heeft, en is dat niet ghescreuen inden boecke vanden woorden der dagen der coningen van Israel?

40

Also ontsliep Achab met sinen vaderen, ende sine sone Ochosias wert coninc in zijn stede,

41

Ende Iasaphat Asa sone wert coninc ouer Iuda, inden vierden iare Achab des conincs van Israel,

42

ende was .xxxv. iaer out doen hi coninck wert, ende regeerde xxv. iaer te Iherusalem, Sine moedere hiet Asuba Salhi dochter.

43

Ende wandelde in alle zijns vaders Asa wegen, ende en weke daer niet af, ende hi dede dat recht was voor den HEERE,

44

Nochtans en dede hi die hoochten niet wech, ende tvolc offerde noch, ende werpen noch wierooc op den hoochten,

45

ende hy hadde vrede met den coninc van Israhel.

46

Wat meer van Iosaphat te seggen is, ende die machte die hi dede, ende hoe hi gestreden heeft, en is dat niet al gheschreuen inden boec der woorden vanden dagen der coningen van Iuda?

47

Ooc dede hi wt den lande alle ouerghebleuene hoereerders, die tot zijns vaders Asa tijdt waren ouerghebleuen,

48

Ende daer en was gheen coninc in Edom,

49

Ende Iosaphat hadde een vlote schepen laten maken op die zee, die in Ophier ghaen souden, om gout te halen, maer si en mochten niet gaen, Want si werden gebroken tot Aseon Gaber,

50

Doen ter tijdt sprack Achabs sone tot Iosaphat, Laet mine knechten met uwen knechten in die schepen varen, Maer Iosaphat en wildet niet doen,

51

Ende Iosaphat ontsliep met sinen vaderen, ende wert begrauen met sinen vaderen in Dauids zijns vaders stadt, Ende Ioram sine sone wert coninck in zijn stede, ende regeerde voor hem,

52

Maer Ochozias Achabs sone begonste te regeren ouer Israel in Samarien int seuenthienste iaer Iosaphats des conincs van Iuda, Ende was coninc, ende regeerde ouer Israel twee iaren,

53

Ende hi dede dat quaet was in des HEREN aensichte, ende wandelde in zijns vaders weghe, ende zijnder moeder, ende in Ieroboams wege, des soons Nabath die Israel heeft doen sondigen,

54

Ende hi heeft Baal gedient, ende hem aengebeden, ende heeft den HERE den God van Israel vertoornt, na alle maniere, soo zijn vader ghedaen hadde.

§ Hier eyndt dat derde boeck der Coningen .iij.Regum int Latijn, dat eerste boeck der Coningen int Hebreus.

margenoot+
A

margenoot*
th. Gilead.
margenoot+
i.par. xviij.

margenoot+
iiij.re. iij.a.

margenoot+
B

margenoot+
C

margenoot+
D

margenoot+
ij.pa. xxviij

margenoot+
E

margenoot*
the. des conincs.

margenoot*
th. Gilead.

margenoot+
F

margenoot+
G

margenoot*
theb. meerderde

margenoot*
the. die hoeren wiescen hen.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken