Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .ix. Capittel.

1

Ga naar margenoot+MAer Heliseus dye propheet riep eenen vanden prophetenkinderen aen, seggende tot hem, Schordt v lendenen, ende neemt dese olycruycke met v, ende gaet henen tot Ramoth, in Galaad,

2

Ende als ghi daer coemt, so suldi aldaer sien Iehu Iosaphats sone, Namsi sone ende als ghi ingegaen zijt, so suldi hem op roepen vant midden van sinen broederen, ende leyt hem in die binnenste camere

3

ende neemt die olycruyke, ende storttet op zijn hooft, ende spreect, Aldus seyt die HEERE, Ic heb v tot eenen coninck ouer Israel gesalft, ende sult die duere open doen, ende al vliende wech loopen, ende niet vertoeuen,

4

Ende die iongelinc des propheten knape, ghinc wech tot Ramoth in Galaad,

5

ende hi

[pagina y2r]
[p. y2r]

streec daer binnen. Siet, daer saten die hooftluyden des heyrs, ende hi sprac. Ghi hooftman Ick heb een woort tot v te spreken. Ende Iehu sprack. Totten welcken onder ons allen? Hy sprac Ga naar margenoot* Tot v prince)

6

Doen stont hi op endeginc in die binnenste slaepcamer, Ga naar margenoot+ ende hi goot die oly op zijn hooft, ende sprac tot hem. Aldus seyt die HERE, die God van Israel, ic hebbe v tot eenen Coninc gesalft, ouer des HEREN volc van Israel,

7

ende ghi sult Achabs ws Heeren huys slaen, ende ic sal dat bloet der propheten mijnder knechten, ende dat bloet alle der knechten des HEEREN wreken van Iesabels hant,

8

ende ic sal Achabs gheheele huys verderuen, ende ic sal van Achab wtroyen den ghenen die aen dye wandt pisset, ende den beslotenen, ende den laetsten verlatenen in israel,

9

ende sal Achabs huys maken ghelijc Ieroboams Nabaths soons huys, ende ghelijck Baasa Achia soons huys,

10

ende die honden sullen Iesabel eten opten acker te Iesrahel, ende daer en sal ooc niemant zijn diese sal begrauen. Ende hi dede die duere open ende liep wech

11

Ende Iehu is in gegaen tot zijns Heeren knechten. Ende si seiden tot hem. Is alle dinghen recht op? Ga naar margenoot+Waeromme is dese rasende tot v ghecomen? Ga naar margenoot+ Hi sprac tot hen. Ghi kent den man wel ende wat hi seyt.

12

Si seyden. Ten is niet waer. Maer gheuet ghi ons te kennen. Hi seyde, So ende so heeft hi tot mi ghesproken ende gheseyt, So seyt die HERE. Ic hebbe v tot eenen Coninc ouer Israel ghesalft.

13

Doen haesten si ende elck nam sinen mantel ende leydet onder Ga naar margenoot* zijn voeten, in een gelikenisse van eenen rechterstoel) ende bliesen metter basoenen, ende spraken. Iehu sal regeeren ende Coninc zijn,

14

Aldus maecte Iehu Iosaphats sone Namsi soons een verbont, ende stelde hem tegen Ioram. Maer Ioram hadde beleyt Ramoth in Galaad met geheel Israel, tegen Hasael den Coninc van Sirien.

15

Maer hi was weder gecomen, dat hy hem te Iesrael soude laten heelen vanden wonden, want die van Sirien hem geslagen hadden doen hi streedt teghen Hasael den Coninck van Sirien.

Ende Iehu sprac. Behaghet v, so en sal niemant wt die stat gaen vluchtende, Ga naar margenoot+ dat hi niet en gae ende bootscappe te iesrahel.

16

Ende hi voer op ende reysde tot iesrael, want Ioram lach aldaer sieck. Ende Ochosias die Coninc van Iuda was af getrocken, om Ioram te besoecken,

17

Maer die wachter die te iesrahel opten toorn stont, sach iehu hoop comen, ende sprac. Ic sie eenen hoop. Doen sprac Ioram. Neemt eenen wagen, ende seynt hem tegen, ende die derwaerts reyst spreke. Ist Ga naar margenoot* al recht wt?)

18

Ende die voerman reet hem [kolom] tegen ende sprac. So seyt die Coninc. Ist al vrede? Iehu sprac. Wat gaet v den vrede aen? Gaet ouer ende volcht achter mi. Die wachter vercondichde dat ende seyde. Die bode is tot hen gecomen ende en coemt niet weder.

19

Ga naar margenoot+Doen sandt hi eenen anderen wagen met paerden, ende hi quam tot hem ende sprac. So spreect dye Coninc. Ist ooc vrede? Iehu sprac. Wat gaet v den vrede aen? Gaet ouer ende volcht mi.

20

Dat vercondichde die wachter ende sprac. Hy is tot hen ghecomen, ende en coemt niet weder, ende het is eenen voortganc, als den voortganc Iehu Namsi soons, want hi reyst haestelijc voort sonder manier te houden.

21

Doen sprac ioram. Spannet den wagen aen. Ende men spien sinen wagen aen, ende si trocken wt, Ioram die Coninc van israel, ende Ochosias die Coninc van iuda, elc op sinen wagen, dat si iehu tegen souden comen, ende si quamen hem aen op Naboths des iesraeliten acker.

22

Ende doen ioram iehu sach, sprac hi. Iehu ist vrede? Hi seyde. Wat vrede? Dijnre moeder iesabels hoererie, ende veel toouerien zijn noch in haer wesen ende groeyen.

23

Ga naar margenoot+Doen keerde ioram zijn hant ende al vluchtende sprac hi tot Ochosiam. Het is verraderie Ochosia.

24

Maer iehu spande den boge metter hant, ende schoot ioram tusschen den arme, dat den pijl door zijn herte wt voer, ende hi viel ter stont in sinen wagen

25

Ende hi sprac totten hooftman Badachar. Neemt ende worpt hem op Naboths des iesraeliten stuc ackers want ic gedencke dat ghi met mi op eenen waghen sinen vader na voert, dat die HERE sulcken last op hem settede,

26

seggende. Ist dat ic v niet voor Naboths ende zijnder kinderen bloet dien ic ghisteren sach (spreect die HERE) v op desen acker sal betalen. Aldus neemt ende worpt hem opten acker, na des HEEREN woort.

27

Doen dat Ochosias dye Coninc van Iuda sach, vluchte bi door den wech vanden huyse des hoefs. Ende Iehu veruolchde hem, ende sprac Ga naar margenoot+ Verslaet desen ooc in sinen wagen. Ende si sloegen hem inden opganc van Ga naar margenoot* Gaber) die bi ieblaam leyt. Ende hi vluchte tot Mageddo ende sterf aldaer.

28

Ende zijn knechten leyden hem op sinen wagen, ende brachten hem te ierusalem, ende begroeuen hem in zijn graf met sinen vaderen in Dauids stat

29

Ochosias regeerde ouer iuda int elfste iaer Iorams Achabs sone Ga naar margenoot+

30

Ende Iehu quam tot iesrael, ende als iesabel dat vernam, blanckette si haer aensicht ende vercierde haer hooft, ende sach ter venster wt,

31

doen iehu in die poorte quam. Ende si sprac. Mach ooc Zambri vrede hebben die sinen Heere versloech?

32

Ende hi hief zijn aensicht op ter vensteren, ende sprac. Wie is dese vrouwe? Doen keerden hen twe

[pagina y2v]
[p. y2v]

oft drie camerlingen tot hem

33

Ga naar margenoot* ende seyden. Dit is Iesabel. Maer hi sprac doen tot hen. Worpse van bouen af. Ende si werpense van bouen neder, also dat den wandt met haeren bloede besprengt was, ende Ga naar margenoot* der paerden clauwen ouer tradense).

34

Ende doen hi ingecomen was om te eten ende te drincken, sprac hi. Gaet ende besiet doch die veruloecte ende begraeftse, want si is eens Conincs dochter.

35

Doen si wech gingen om haer te begrauen, so en vonden si niet van haer dan den sceidele ende de voeten, ende haer vlacke handen,

36

Ende quamen weder ende bootscaptent hem. Ende Iehu sprac. Het is dwoort dat de HERE gesproken heeft door sinen knecht Heliam den Thesbijt ende geseyt. Opten acker van Iesrael sullen die honden Iesabels vleesch eten.

37

Ende Iesabels vleesch sal zijn als eenen drec opten velde inden acker van iesrael, also dat die voorbi gaen sullen seggen. Is dat niet Iesabel?

§ Hoe Achabs tseuentich kinderen gedoot werden, Van Ochosie twee ende veertich broeders, die gedoot werden, Van Ionadab Rechabs sone, Ende hoe Baals priesters gedoot werden, ende den tempel bedoruen.

margenoot+
A

margenoot*
thebr. tot v hooftman.

margenoot+
B

margenoot+
iij.re. xxi.f.
margenoot+
C

margenoot*
th. hem bi den zonnen wiser

margenoot+
D

margenoot*
theb. vrede

margenoot+
E

margenoot+
F

margenoot+
G
margenoot*
th. Gier

margenoot+
iij.reg. xxij

margenoot*
ten is nyet int hebre
margenoot*
th. die paerden ende si wert vertreden


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken