De Vorsterman Bijbel

§ Dat .xviij. Capittel.

1

⁺DOen antwoorde Baldad van Suith ende sprac,

+ A

2

Hoe lange suldi v met woorden beroemen? Merct doch te voren, daer na sullen wi spreken,

3

Waer omme worden wi voor v gheacht als beesten, ende zijn onreyn voor uwe ooghen?

4

Waer om verdoedy v siele in uwen toorne? Meynt ghi dat dye aerde om uwent wille sal verlaten worden, ende sullen dye berghen van haer plaetsen versedt worden?

5

⁺Ooc sal dat licht der ongodliken wtgedaen worden, ende en sal die vlamme zijns vyers niet lichten?

+ B

6

Dat licht sal duyster worden in zijnder tenten, ende sine licht dat bouen is sal wtgedaen worden,

7

Dye ganghen zijnder crachten sullen benaut worden, ende sinen raet sal hem ter neder worpen,

8

hy heeft sine voeten int net ghesteken, ende wandelt in zijn smetten,

9

Eenen strick sal zijn voeten houden, ende die dorstighe sal teghen hem verhitten,

10

Sinen stric is verborghen [kolom] in die aerde, ende sinen valle op sinen padt,

11

Al om ende omme sal hem onuersiene vreese veruaren, ende si sullen zijn voeten omwinden.

12

⁺Honger moet zijn vromicheyt verdunnen ende armoede moet zijn ribben vermagheren

+ C

13

deerste gheboren der doot moet verslinden die schoonheyt zijns vels, ende zijn armen verteren,

14

Sine hope moet wt zijnder tenten gheroeyt worden, ende die verderffenisse moet op hem treden als een coninc,

15

In sinen palayse moeten woonen die gesellen des ghenen die niet en is, in zijn wooninghe moet solphur ghestroyt worden,

16

⁺Van onder moeten sine wortelen verdorren, ende laet sinen ooste van bouen afgetreden worden,

+ D

17

Sijn ghedachtenisse moet vergaen inden lande, ende en sal ghenen naem hebben opter straten,

18

Hi sal hem vanden licht tot dye duysternisse verdriuen, ende vanden aertrike sal hi hem veriaghen,

19

Sijn saet en sal niet wesen onder zijn volck, ende daer en sal niemant ouerbliuen in sine landen,

20

Van sinen dage sullen hen die leste verwonderen, ende dye eerste sal anxt oueruallen,

21

Dat is die woninge des ongherechtighen, ende dit is dye plaetse des gheens die God niet en kennet

§ Hoe Iob zijn katiuicheyt bescrijft, ende tlijden Christi propheteert, ende die ghemeyn verrisenisse te toecomene