Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .v. Capittel.

1

Ga naar margenoot+IEsus siende die scaren, is geclommen opten berch, Ga naar margenoot+ ende als hi geseten was, quamen tot hem zijn discipulen.

2

Ende op doende sinen mont, leerde hen seggende.

3

Salich zijn die ghene die arm van gheeste zijn, want haer is dat rijck der hemelen.

4

Salich zijn die sachtmoedighe, want si de eerde besitten sullen.

5

Salich zijn die suchten, want si vertroost sullen worden.

6

Salich zijn die hongheren ende dorsten na dye rechtuerdicheyt, want si versaet sullen worden.

7

Salich zijn dye barmhertige, want si barmherticheit vercrigen sullen.

8

Salich zijn die suuer van herten zijn, want si sullen god sien

9

Salich zijn die vreedtsamige, want si sullen gods kinderen geheeten worden.

10

Salich zijn die ghene die veruolghinge lijden om dye rechtuerdicheyt, want haer is dat rijck der hemelen.

11

Salich zijt ghi als die menschen v vermalendijen ende veruolgen, ende alle quaet tegen v spreken, liegende om minen naem,

12

dan verblijt ende veruruecht v, want v loon is groot in dye hemelen. * Want also hebben si ooc veruolcht die propheten, die voor v geweest hebben.

13

Ga naar margenoot++ Ghi zijt dat sout der aerden, Ga naar margenoot+ ist dat het soudt zijn cracht verliest, waer mede salmen dan souten? Dan en ist voortaen niet profite-

[pagina B3r]
[p. B3r]

lic, dan wtgegoten te worden, ende vanden menscen vertreden te worden.

14

Ghi zijt dat licht des werelts. Een stadt dye op eenen berch leyt en mach niet verborgen worden.

15

Noch men onsteect gheen keersse diemen bercht onder een corenvat. Maer men steltse op eenen candelaer, om datse soude luchten alle die in huys zijn

16

Also laet v licht schinen voor die menschen, Ga naar margenoot+ op dat si v goede wercken aensien, ende uwen vader die inden hemel is, glorificeren. *

17

Ga naar margenoot++ En wilt niet meynen, dat ic gecomen ben om te ontbinden die wet oft die propheten, want ic en ben niet ghecomen om dye wet te ontbinden, mer om te veruullen.

18

Ic segge v voorwaer, Ga naar margenoot+ also lange als hemel ende aerde staen, so en sal niet een letter, noch oock een alder minste tijtel vander wet vergaen, tot dat al gheschiet sal zijn.

19

Daer om so wie een van dese alderminste gheboden breect, ende dye menschen also leert, die sal de alderminste int rijck der hemelen ghenaemt worden. Mer die doet ende leert, dye sal int rijck der hemelen groot genaemt worden. *

20

Ga naar margenoot++ Ic segge v, ten si dat v rechtuerdicheyt oueruloediger is dan, dan der Scriben ende Pharizeen, so en suldi int rijcke der hemelen niet mogen comen

21

Ghi hebt gehoort dat totten ouders ghesproken is. Ga naar margenoot+ Ghi en sult niet doot slaen, want die doot slaet, sal des oordeels sculdich zijn

22

Mer ic segge v, dat een yegelic die op sinen broeder gram is, die is des ordeels sculdich Ende wie dat sinen broeder spreect Racha, die sal des raets sculdich zijn. Ende wie tot sinen broeder spreect dwaes, is sculdich dat helsche vuer. *

23

Daer om ist dat ghy v gaue opten outaer offert, Ga naar margenoot+ ende ghi daer gedachtich wort, dat v broeder yet tegen v heeft,

24

so laet daer voor den outaer v offerhande, ende gaet eerst ende versoent uwen broeder, ende dan comende sult ghi offeren v gaue.

25

+ Ouercoemt ter stont met uwen viant, als ghi met hem op den wech zijt, op dat uwe vyant v by auentueren niet en leuere den rechter ende de rechter v ouerleuert den dienaer, ende inden kercker geworpen wort.

26

Voorwaer ic segghe v, ghy en sult daer niet wtcomen voor dat ghi den alderlaetsten penninc weder gegeuen sult hebben.

27

Ghi hebt gehoort dat tot den ouders geseyt is, Ga naar margenoot+ ghi en sult gheen ouerspel doen,

28

mer ic segghe v, dat soe wie een vrouwe aensiet om haer te begheren, die heeft in zijn herte [kolom] met haer ouerspel gedaen. Ga naar margenoot+

29

Ende ist dat v uwe rechte ooghe scandalizeert, so steect die wt, ende worptse van v. Ga naar margenoot+ Het is profiteliker, dat een van uwe leden vergae, dan dat v geheel lichaem in die helle geworpen worde.

30

Ende ist sake dat v rechte hant v scandalizeert, soe snijt die af, ende worptse van v, het is v beter dat een van uwen leden vergae, dan dat v geheel lichaem inder hellen geworpen worde. *

31

Daer is oec geseyt. Ga naar margenoot+ Die laet zijn huysurouwe, dye sal haer geuen eenen scheybrief.

32

Mer ic segge v, wie zijn huysurouwe laet (het en si om ouerspel) dye maect dat si ouerspel doet. Ende so wie die gelaten trout, dye doet ouerspel.

33

Ga naar margenoot++ Voort aen soe hebt ghi gehoort dat totten ouderen gesproken is. Ghi en sult ghenen valschen eedt doen, mer ghi sult god uwen eedt geuen.

34

Ic segge v, dat ghi niet met allen sweren en sult. Noch biden hemel, want hi den stoel gods is:

35

noch bider aerden, want zijn voetbanck is. Noch bi Hierusalem, want si een stadt is van eenen grooten coninc.

36

Ga naar margenoot+ Noch bi v hooft en suldi niet sweeren, want ghi niet een haer swart of wit maken en moecht.

37

Laet v woort zijn ya ya, neen neen, ende al dat het anders is, dat is vant quaet.

38

Ghi hebt gehoort datter geseyt is, Ga naar margenoot+ ooge om ooge, tant om tant.

39

Mer ic segge v, niet weder te staen den quade. Ga naar margenoot+ Maer ist dat v yemant slaet aen v rechte wange, biet hem v ander.

40

Ende oft yemant met v te rechte gaen wilt, ende uwen rock nemen wil, laet hem ooc nemen uwen mantel.

41

Ende metten ghenen dye v dwinct dusent screden, gaet met hem twee ander dusent.

42

Den ghenen dye bidt van v dien geeft, ende en wort niet afgekeert vanden ghenen die van v leenen wilt. *

43

+ Ghi hebt gehoort datter gheseyt is, Ga naar margenoot+ ghi sult uwen naesten beminnen, ende uwen vyant haten.

44

Maer ic segge v, hebt lief v vyanden, ende doet wel den ghenen die v haten, ende bidt voor de ghene die v quaet doen ende veruolgen

45

op dat ghi kinderen moecht zijn van uwen vader, die in die hemelen is, dye zijn sonne laet opgaen op die goede ende quade, ende laet regenen op die rechtuerdige ende onrechtuerdige.

46

Want ist sake dat ghi die ghene bemint die v beminnen, wat loon sult ghi daer voor hebben? En doen die publicanen dit selue niet?

47

Ende ist sake dat ghi v broeders alleene groet? wat doet ghi sonderlincs? En doen die heydenen dit oec niet?

48

Hier omme weset perfect, ghelijc v hemelsche vader perfect is.

margenoot+
A
margenoot+
Die seuen salicheden

margenoot+
B
margenoot+
Mar. ix.g Luc. xiiij.g

margenoot+
Mar. 4 c. Luce. 8.c ende .xi.c

margenoot+
C

margenoot+
Luce. xvi e Iaco. ij.b

margenoot+
D

margenoot+
Mar. x.c Exo. xx.c Leui. 24.c

margenoot+
Ghenen twist te hebben metten naesten.

margenoot+
Exo. xx.c. Mar. x.c. mat. xix.a

margenoot+
Math. xviij.b Mar. ix.f

margenoot+
E

margenoot+
Deu. 24.a mat. xix.b Mar. x.a. Luc. xvi.a. Leu. ix.e. Exo. xx. c

margenoot+
F

margenoot+
Iaco. v.c

margenoot+
Exo. xxi.c Deu. xix.b Luce. vi.d.

margenoot+
G

margenoot+
Luce. vi.c. Leui. xix.c


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken