Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .vij. Capittel.

1

Ga naar margenoot+ENde daer quamen te samen tot hem dye pharizeen, ende somige vanden scriben die welcke van Hierusalem gecomen waren

2

Ende als si gesien hadden sommige van sinen discipulen met ghemeen handen, dat is ongewasschen, dat broot eeten, so versmaden si haer,

3

want die pharizeen ende alle Ioden, en nemen gheen spijse, oft si en wasschen dicwil haer handen, houdende die insettingen van haer ouders.

4

Ende van die merct comende en eten niet, dan als si gewasschen zijn. Ende veel ander insettingen zijnder, diese aengenomen hebben te houden, te weten, die drinc vaten te wasschen, ende croesen, ende latoenen vaten, ende bedden.

5

Daer na vragen hem dye pharizeen ende scriben. Waer om en wandelen v discipulen nyet na die manier van onse ouders ingesedt, mer eten met ongewasschen handen tbroot? Ga naar margenoot+

6

Ende hy antwoordende, heeft haer geseyt. Wel heeft Esais van v hypocriten gepropheteert, als daer gescreuen staet. Ga naar margenoot+ Ga naar margenoot+ Dit volck eert mi metten lippen, mer haer herte is verre van mi.

7

Ende te vergeefs eeren si mi, leerende leeringen, gheboden der menschen:

8

want achterlatende dat gebot gods, hout ghi insettingen der menschen. Dat wasschen der croesen ende drincuaten, ende ander deser gelijc doet ghi veel.

9

Ende hi seide haer. Wel verworpt ghi gods gebodt, Ga naar margenoot+ op datghi v insettinge houdt,

10

want Moses heeft geseit. Eert v vader ende v moeder, ende die vader oft moeder vermaledijt laet hem de doot steruen.

11

Maer ghi segt, ist dat een mensche seyt tot vader oft tot moeder Corban, dat is, wat ghifte van mi is, die sal tot uwen profijt zijn,

12

ende behaluen dat en ghehengt ghi niet dat hi zijn vader oft zijn moeder yet doet.

13

Ende ghi maect te niet dat woort gods, doer v insettinghe die ghi opghesedt hebt, ende deser gelijc doet ghi veel.

14

Ende nae dat hi die scaren tot hem gheroepen hadde, seyde hi haer. Hoort mi alle gader, ende verstaet.

15

Niet en isser buten den mensche, Ga naar margenoot+ in hem gaende, dat hem mach besmetten, mer die vanden mensche wtgaen, zijn dye den mensche besmetten.

16

Ist dat yemant ooren heeft om te hooren, die hoore.

17

Ende als hi in huys ghegaen was van dye scaren, so hebben hem zijn discipulen geuraecht van die gelikenisse,

18

ende hi seyde haer. Sijt ghi noch sonder verstant?

[pagina D4r]
[p. D4r]

Ga naar margenoot+ En verstaet ghi noch niet? dat al dat van buten inden mensche gaet, en mach hem niet besmetten?

19

want ten gaet in zijn herte niet, maer inden buyck, ende tgaet wt door den natuerliken wtganc, reynigende die spijse.

20

Ende si seyde, dat vanden mensche wtgaet, dat besmet den mensche.

21

Want van die binnenste van thert der menschen, comen voort quade gedachten, ouerspelen, oncuysheden, dootslaghen,

22

diefte, ghiericheden, scalcheyt ende bedroch, onreynicheyt, quaet, ooc blasphemie, houerdicheyt, dwaesheyt.

23

Alle dese quaden comen van binnen, ende besmetten den mensch.

24

+ Ende op staende van daer, is ghegaen in dye eynden van Tyrus ende Sydon. Ga naar margenoot+ Ende in een huys gegaen zijnde, woude hi dattet nyemant en wist, ende en mocht niet verborghen wesen,

25

want een vrouwe, wiens dochter hadde een onreyn gheest, ter stont als si van hem gehoort heeft, is ghecomen, ende is hem te voet gheuallen,

26

want het was een heydens wijf vanden geslachte Syrophenissa, ende badt hem dat hi den duyuel soude wtroepen van haer dochter.

27

Ga naar margenoot+Ende Iesus seyde haer. Laet dye kinderen eerst versaet worden. Want ten is niet goet te nemen dbroot der kinderen, ende te worpen voor die honden.

28

Ende si heeft geantwoort, ende seyt hem. Immer heer, want die hondekens eten ooc onder die tafel, van die brocken der kinderen.

29

Ende hi seyde haer. Om dat woort gaet, die duyuel is wt v dochter ghegaen.

30

Ende als si gegaen was in haer huys vant si dat die duuel wtgegaen was ende dye dochter liggende opt bedde. *

31

+ Ende weder wtgaende van die eynden van Tyrus, is gecomen door Sydon, tot die zee van Galileen, door dye middel eynden vanden thien steden.

32

Ende si brengen hem een dooue ende stomme. Ende baden hem dat hi hem de hant op leyde:

33

ende als hi hem genomen hadde aen deen side van die schare, heeft sinen vingher in zijn oore gesteken ende wtspouwende, heeft zijn tonghe gheraect,

34

ende opsiende na den hemel, heeft versucht, ende hem gheseit. Effeta, dat is, wort geopent,

35

ende ter stont zijn zijn ooren gheopent. Ende die bant zijns tonghen is los geworden, ende heeft recht ghesproken,

36

ende heeft haer gheboden dat zijt nyemant seggen en souden. Maer hoe hijt haer meer geboot so veel te meer verbreeden zijt,

37

ende verwonderden hen bouen maten, seggende. Hi heeft alle dinck wel gedaen, den doouen heeft hi doen horen, ende den stommen doen spreken.*

[kolom]

margenoot+
A

margenoot+
Mat. xv.a

margenoot+
Esa. xxix d
margenoot+
B

margenoot+
Exo. xx.b Deu. v.b Leui. x.

margenoot+
Mat. xv

margenoot+
C

margenoot+
Mat. xv.

margenoot+
D


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken