Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .ij. Capittel.

1

Ga naar margenoot++ HEt is geschiet in dien daghen. Daer is wtgegaen een gebot vanden Keyser Augusto, dat die heele werelt soude bescreuen worden.

2

Dese eerste bescriuinghe is geschiet van Cyrino, rechter van Cyria

3

Ende si zijn alle ghegaen, om te beliden, een yegelijck in zijn stadt.

4

Ende Ioseph heeft op geclommen wt Galilea, van die stadt Nazareth, tot dat Ioetsche lant, inde stadt van Dauid, genaemt Bethleem, Want hi was vanden huyse, ende huysghesin van Dauid,

5

om dat hi soude beliden met Maria zijn getroude wijf, die daer met vrucht swaer was.

6

Het is geschiet doen si daer waren, dat veruult zijn die daghen om te baren,

7

Ende heeft gebaert haeren eersten geboren sone, Ga naar margenoot+ ende heeft hem in doecken gewonden, ende heeft hem neder geleyt in een cribbe, ouermidts datter gheen plaets een was voor hem inde herberghe.

8

Ende daer waren herderen die daer waecten inder seluer contreyen, ende den waeck waer nemende snachts op haer cudde.

9

Ga naar margenoot+Ende siet, die enghel des Heeren heeft bi haer gestaen, ende die claerheit des Heeren heeft haer omgeschenen, ende hebben geureest met een groote vreese.

10

Ende die engel heeft haer geseyt, Wilt niet vreesen, want siet, ic bootscap v een groote blijschap, welc alle volc wesen sal,

11

Want v is huyden geboren een salichmaker Christus die heere, inde stat van Dauid.

12

Ende dit sal v een teeken wesen Ghi sult vinden een ionc kint in doecken gewonden, geleit in een cribbe.

13

Ende ter stont isser geweest metten enghel een menichte van een hemelsche heyr, God louende, ende seggende,

14

Glorie si God inden oppersten ende inder aerden si vrede, den menschen die van goede wille zijn.*

15

Ende het is gheschiet na dat die engelen zijn ghegaen van haer inden hemel. + So hebben die herders ge-[kolom]sproken onder malcander, Ga naar margenoot+ Laet ons ghaen tot Bethleem, ende laet ons besien dat woort datter geschiet is, dwelc die Heere gedaen heeft, ende ons vertoont heeft.

16

Ende zijn daer haestende ghecomen, ende hebben gheuonden Mariam, ende Iospeh, ende dat kint, dat gheleyt was inde cribbe,

17

Als si dit saghen, hebben si bekent vant woort dat haer was geseyt van dit kint.

18

Ende alle die ghene diet hebben gehoort, hebben haer verwondert van tghene dat hen vanden herderen was geseit,

19

Ende Maria onthielt alle dese woorden, ouerleggende in haer herte

20

Ende die herderen zijn wederom gekeert, glorificerende ende louende God, van al tghene dat si hadden gehoort ende gesien, also alst haer gheseyt is. *

21

Ga naar margenoot+Ende na dien dat veruult waren acht daghen, datmen soude besniden dat kint, is sinen naem genaemt Iesus, twelc genoemt was vanden enghel, eer hi inden lichaem was ontfanghen. *

22

+ Ende na dien dat veruult waren die daghen haere suyueringhe na Moyses wet so hebben si hem gebracht tot Ierusalem om dat si hem souden offeren den Heere,

23

Alser gescreuen staet in die wet des heeren Alle eerste geboren knechtken, sal heylich worden genoemt den Heere. Ga naar margenoot+

24

Ende dat si gheuen soude een offerhande, na datter gheseyt is in de wet des Heeren, een paer tortelduyuen, oft twee ionge duyuen.

25

Ende siet, daer was een mensche in Ierusalem genaemt Simeon, Ga naar margenoot+ ende dese mensche was rechtuaerdich, ende goduruchtich verwachtende die vertroostinge van Israel, Ende die heylighe gheest was in hem.

26

Ende hadde ontfanghen een antwoort vanden heyligen gheest, dat hi niet en soude sien den doot, eer hi had gesien den gesalfden des Heeren.

27

Ende hi quam door den gheest inden tempel.

Ende als die ouders inden tempel brochten tkint Iesum, om dat si doen souden voor hem na die gewoonte des wets

28

so heeft hi hem genomen in zijn armen, ende heeft God geloeft, ende gheseyt,

29

Heere, nv laet uwen knecht, nae uwe woort in vrede

30

Want mijn ooghen hebben gesien dijn salicheit

31

welc ghi hebt bereit voort aensicht van allen lieden.

32

Een licht tot verclaringe der heidenen, ende een glori ws volcs van Israel. *

33

+ Ende zijn vader ende moeder waren verwonderende, op tghene datter geseyt wert van hem.

34

Ende Simeon heeft haer ghebenedijt, ende heeft gesproken tot Maria zijn moeder Siet dese is gesedt tot een val, ende tot een

[pagina E3v]
[p. E3v]

verrisinge van veel in Israel, ende tot een teeken, tegen den welcken sal worden gesproken.

35

Ende dijn selfs ziel sal doorgaen dat swaert, op dat mogen ontdect worden die ghedachten wt veel herten.

36

Ga naar margenoot+Ende daer was een prophetissa genaemt Anna, een dochter van Phanuel, wt den geslachte van Aser. Dese was gecomen in veel daghen, ende hadde gheleeft met haer man .vij. iaer, van haer maechdom af.

37

Ende dese was een weduwe, tot vierentachtentich iaren, die welcke niet en ghinck vanden tempel, God dienende met vasten ende bedingen, nacht ende dach.

38

Dese bicomende in die selue vre, heeft ooc beleden den heere, ende heeft gesproken van hem allen, den ghenen die verwachtede die verlossinge van Israel.

39

Ende als si voldaen hadden na die wet des heeren, so zijn si wederom gekeert in Galilea, in haer stadt Nazareth.

40

Ende dat kint wies op, ende worde ghesterct, ende veruult met wijsheyt, ende die gracie Gods was in hem. *

41

Ende zijn ouders gingen alle iaer tot Ierusalem, opten feest dach van Paesschen.

42

+ Ende als hi out geworden was .xij. iaeren zijn si op geclommen tot Ierusalem, nae der gewoenten des feest daechs.

43

Geeyndt wesende de daghen, als si weder om ghingen so is tkint Iesus gebleuen in Ierusalem, ende zijn ouders en hebbent niet gheweten.

44

Meynende dat hi was int geselschap, zijn comen een dach reyse, ende sochten hem onder die vrienden, ende onder die bekende.

45

Ende hem niet vindende, zijn weder om gekeert tot Ierusalem, hem soeckende.

46

Ende het gebuerde na den derden dach, Ga naar margenoot+ hebbense hem geuonden inden tempel sittende int midden der doctoren, hoorende haer, ende vragende haer.

47

Alle die ghene die hem hoorden, hebben hen verwondert van zijn wijsheyt, ende antwoorden.

48

Ende hem siende, hebben verwondert. Ende zijn moeder sprac tot hem, Sone, waerom hebdy ons aldus gedaen? Siet, v vader ende ick droeuich wesende, hebben v gesocht.

49

Ende hi sprac tot haer Wat dinck ist, dat ghi mi soect? En wist ghi niet dat ick moet wesen in die dingen die mijns vaders zijn.

50

Ende si en verstonden dat woort niet, dat welcke hi tot haer sprac

51

Ende ghinc neder met haer, ende is gecomen tot Nazareth, ende was haer onderdanich. Ende zijn moeder besloot alle dese woorden, in haerder herten.

52

Ende Iesus wies op in wijsheyt, ende outheyt, ende gracie bi God, ende den menschen. *

margenoot+
A

margenoot+
matte. i.a.

margenoot+
B

margenoot+
C

margenoot+
D

margenoot+
exo. xxxiiij

margenoot+
E

margenoot+
F

margenoot+
G


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken