Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .ix. Capittel.

1

Ga naar margenoot+ENde als Iesus die twaelf apostolen tot hem geroepen hadde, Ga naar margenoot+ heeft hi haer cracht, ende macht ghegheuen, ouer alle Duyuelen, ende dat si die siecken ghesont souden maken.

2

Ende heeft haer ghesonden, om dat si souden preken trijc Gods ende die siecken ghesondt maken,

3

ende heeft tot haer gheseyt, Neemt niet inden wech, noch roede, noch tassche, noch broot noch ghelt, ende en hebt gheen twee rocken,

4

ende in wat huys dat ghi ingaen sult, blijft daer, ende en ghaet daer niet wt.

5

Ende so wie v niet ontfanghen en sal, wt die stadt ghaende, so stoot dat stof van v voeten, tot een ghetuychnis teghen haer.

6

Ende wt gheghaen zijnde, hebben si die casteelen omgheghaen, predikende, ende ghesont makende ouer al. *

7

Ende Herodes die vieruorst heeft ghehoort, al dat van hem geschiede, ende twifelde, daerom, datter van sommige geseit worde,

8

dat Ioannes vanden dooden verresen was. Ende van sommige, dat Helias gheopenbaert hadde. Ende van die andere, dat een Propheet vanden ouden opghestaen was.

9

Ende Herodes heeft gheseyt, Ick heb Ioannem onthooft, ende wie is dese, vanden welcken ick dusdanighe dinghen hoore? ende hi socht hem te sien.

10

Ende die apostolen wederom gecomen zijnde, hebben hem vertelt, al tghene, dat si ghedaen hadden. Ende als hi haer tot hem ghenomen hadde, Ga naar margenoot+ so is hi gheweken aen deen side alleen, in een woeste plaetse des stadts Bethsaida.

11

Als die scharen dat gheweten hebben, zijn si hem na geuolcht ende hi heeft haer ontfanghen, ende sprac haer van trijck Gods, ende die hulp behoefden, maecte hi gesont.

12

Ende den dach beghonde te dalen. Ende die twaelf tot hem comende, Ga naar margenoot+ hebben hem gheseyt, Laet die scaren, op dat si gaende, comen mogen in die casteelen, ende lanthuysen hier by, ende spijse vinden, want wi hier zijn in een woeste plaetse.

13

Ende hi heeft tot haer geseyt, Geeft ghi haer dat si eten. Ende si hebben geseit Wi en hebben niet meer dan vijf brooden ende twee visschen, ten waer dat wi gaen ende coopen voor al dit volck spijs.

14

Daer waren bi na vijf duysent mannen. Ende hi

[pagina E8v]
[p. E8v]

heeft tot zijn discipulen geseyt, Doetse sitten bi vijftigen, in elcke weerschap.

15

Ende si hebben also gedaen, ende hebbense alle gader doen sitten.

16

Ende als hi die vijf brooden genomen hadde, ende die twee visschen, ende zijn ooghen naden hemel gheslaghen hadde, heeft hijse ghebenedijt, ende ghebroken, ende zijn discipulen gedeelt, om dat sise die schare voorleggen souden.

17

Ende si hebben alle gader gegeten, ende zijn versadicht. Ende daer is opgenomen van datter ouer gebleuen was, twaelf koruen brocken.

18

Ga naar margenoot+Ende het is gesciet, als hi alleen was biddende, Ga naar margenoot+ so waren zijn discipulen met hem, ende hi heeft haer geuraecht, seggende, Wie seggen die scharen dat ick ben?

19

Ende si hebben hem gheantwoort, ende gheseit, Ioannes baptista, ende die ander Helias, ende die ander dat een propheet vanden ouden opghestaen is.

20

Ende hi heeft haer gheseyt, Maer wie segt ghi dat ic ben? Simon Petrus antwoordende, Ga naar margenoot+ heeft geseit, Die gesalfde Gods.

21

Ende hi heeft haer gedreicht, ende geboden, dat si dat niemant seggen en souden,

22

ende seyde, Het is van noode, dat die sone des menschen veel lijden moet, ende veracht worden vanden ouders, ende princen der priesteren ende scriben, Ga naar margenoot+ ende gedoot worden, ende ten derden dage verrisen.

23

Ende hi seide tot alle gader, Ga naar margenoot+ Ist dat yemant na mi comen wil, die versake hemseluen, ende neme zijn cruys dagelicx, ende volge mi,

24

Want die zijn siele sal willen behouden, salse verliesen, maer die zijn siel verliesen sal, om minen wil salse salich maken.

25

Wat batet een mensce, al ist dat hi de werelt wint, maer hemseluen verliest oft hemseluen hinder doet?

26

Want wie hem mijnre oft mijn woorden scamen sal, die sal die sone des menschen ooc schamen, als hi comen sal in zijn mogentheit, ende des vaders, ende der heiliger engelen.

27

Ende ic segge v voorwaer daer zijn sommige hier staende, die den doot niet smaken en sullen, Ga naar margenoot+ voor dat si trijcke Gods sien.

28

Ende het is geschiet na dese woorden, bi na acht daghen, dat hi heeft tot hem ghenomen Petrum, ende Ioannem, ende Iacobum, ende is op een berch geclommen, om te bidden

29

Ende als hi badt, so is die gedaente zijns aensichts verandert geworden, ende zijn cleedt wit ende blinckende.

30

Ende siet, twee mannen spraken met hem, die welcke waren Moyses ende Helias,

31

die welcke ghesien wesende in die maiesteyt, Ga naar margenoot+ spraken van dat groote werc dwelc hi volbrenghen soude in Iesrusalem.

32

Ende Petrus ende die met hem waren, waren beswaert met vaec, ende wacker geworden [kolom] zijnde, hebben gesien zijn mogentheyt, ende twee mannen die bi hem stonden,

33

Ende het is geschiet, als si van hem ghingen, heeft Petrus tot Iesum geseyt, Meester, Hier ist ons goet te wesen, laet ons hier drie tabernaculen maken, v een, ende Moysi een, ende Helie een, niet wetende wat hi seyde.

34

Ende als hi dit seide, is een wolck gecomen ende heeft haer omscheemt, Ga naar margenoot+ ende si hebben geureest, als si inden wolck quamen.

35

Ende daer is een stemme van die wolck gecomen segghende, Ga naar margenoot+ Dit is mijn lieue sone, hoort hem.

36

Ende als die stemme gheschiede, so is Iesus alleen geuonden, ende si hebben geswegen ende en hebben in dien daghen niemant yet gheseyt, van tghene dat si gesien hadden

37

Ende tis geschiet tsdaechs daer na, als si vanden berch clommen, Ga naar margenoot+ so is hem een groote schaer teghen geloopen.

38

Ende siet, een man wt die schare, heeft luyde geroepen, seggende, Meester, ick bid v, aensiet mijn sone, want hi mi eenich is,

39

ende siet, die gheest grijpt hem, ende hi roept scielicken, ende hi quetst hem, ende hi verschoort hem, schuymende, ende nau en gaet hi van hem, hi en verschoort hem.

40

Ende ic heb v discipulen gebeden, dat si hem wtworpen souden, ende si en hebben niet gemoghen.

41

Ende Iesus antwoordende heeft geseyt, O ongeloouige ende verkeerde geslacht, hoe langhe sal ick bi v wesen, ende v lijden? Brengt v sone herwaert.

42

Ende als hi noch tot hem quam, plucte hem die duyuel, ende schuerde hem.

43

Ende Iesus heeft den onreynen gheeste geboden, ende tkint gesont gemaect ende sinen vadere weder gegeuen.

44

Ende si hebben alle verschrict, in die grootheyt Gods.

Maer als si allegader verwonderden, van al tghene dat hi dede, soe heeft hi tot zijn discipulen gheseyt, Sedt ghi in uwer herten, dese woorden, Want het sal geschien dat die sone des menschen geleuert sal worden, in die handen der menschen,

45

Maer si en verstonden dit woort niet, ende twas van haer verborgen, Ga naar margenoot+ dat si dat niet en verstonden, want si ontsaghen hen te vraghen van dat woort.

46

Ende daer is een ghedachte in haer gecomen, wie van haer die meeste waer.

47

Ende Iesus siende die gedachten van haer hert, heeft een kint ghenomen, ende heeftet by hem ghesedt,

48

ende heeft haer geseit, Soe wie dit kint ontfangen sal in mijnen naem, die ontfangt mi. Ende so wie mi ontfangt, die ontfangt den ghenen die mi gesonden heeft. Want wie die minste is onder v allen, die sal die meeste wesen.

[pagina F1r]
[p. F1r]

49

Ende Ioannes antwoordende, Ga naar margenoot+ heeft geseyt Meester, wij hebben een ghesien in uwen naem die duyuelen wt worpen, ende wij hebbent hem verboden, want hy met ons nyet en volcht.

50

Ende Iesus heeft tot hem geseyt. En wilt niet verbieden, want die niet teghen v en is, die is met v.

51

Ende het is gheschiet, als die daghen veruult waren, dat hi van hier ghenomen soude worden, dat hi zijn aensicht ghestelt hadde, om te gaen na Ierusalem,

52

so heeft hi boden voor hem ghesonden, dat si in die stadt der Samaritanen gaen souden, om voor hem te bereyden.

53

Ende si en hebben hem niet ontfangen, want zijn aensicht was gesedt als een die gaet na Ierusalem.

54

Ende als zijn discipulen Iacobus, ende Ioannes dat gesien hadden, Ga naar margenoot+ hebben si gheseyt. Heer, wilt ghi dat wi seggen, dattet vier neder dale vanden hemel ende verslindet die?

55

Iesus omgekeert wesende heeft haer gestraft, segghende. Ghi en weet niet van wat geeste ghi zijt, want die sone des menschen en is nyet gecomen om te verliesen die sielen, mer om te verlossen.

56

Ende si zijn ghegaen na een ander casteel.

57

Mer het is geschiet, doen si gaende waren onder weghen, datter een gesproken heeft tot hem. Ic sal v volgen, Ga naar margenoot+ so waer dat ghi gaet.

58

Ihesus seyde tot hem. Die vossen hebben holen ende die vogelen des hemels nesten, mer die soon des menschen en heeft niet, waer hi soude zijn hooft mogen leggen.

59

Hi sprac tot eenen anderen. Volcht mi na. Ende die sprack. Heer, laet mi toe, dat ic eerst mach gaen, ende begrauen minen vader.

60

Iesus seyde hem. Laet dye dooden begrauen haer dooden, maer gaet ghy, ende vercondicht dat rijck gods.

61

Ende een ander seyde. Heer ic sal v volgen, maer laet mi eerst scheyden van die ghene die in mijn huys zijn.

62

Iesus heeft gesproken tot hem. Nyemant slaende zijn hant aen dye ploech, ende achterwaert siende: is bequame den rijcke gods.

margenoot+
A
margenoot+
matte. x.a

margenoot+
B

margenoot+
mat. xiiij.b Ioan. vi.a. Mar. vi.a

margenoot+
C
margenoot+
mat. xvi.c.

margenoot+
mat. viij.d

margenoot+
mat. xvi.d mar. viij.d

margenoot+
D

margenoot+
mat. xiiij.a marc. ix.a

margenoot+
E

margenoot+
marc. iij.d.

margenoot+
F

margenoot+
mat. xvij.c Marc. ix.c

margenoot+
mat. xvij.d. marci. ix.c

margenoot+
Mar. ix.f

margenoot+
G

margenoot+
Mat. 8.c


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken