Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .xi. Capittel

1

Ga naar margenoot+ENde het is gheschiet, doen hi was in een plaetse biddende. Als hi af gelaten heeft so is daer een wt sinen discipulen geweest, die heeft gesproken tot hem. Heere, leert ons bidden, gelijc als Ioannes geleert heeft zijn discipulen.

2

Ende hi sprac tot haer. Ga naar margenoot+ Als ghi bidt so segt. Vader, uwen naem moet worden geheylicht. V rijck moet toecomen.

3

Geeft ons huden ons daghelics broot.

4

Ende vergeeft ons onse sonden, want wi vergheuen allen die ons schuldich zijn. Ende en leyt ons niet in becoringhe.

5

Ga naar margenoot++ Ende hi seyde tot haer. Wie van v sal hebben eenen vrient, ende sal tot hem gaen des middernachts, ende sal hem seggen. Vrient leent my drie brooden,

6

want mijn vrient is ghecomen tot my van den wech, ende ic en hebbe nyet, dat ick hem mach voor setten.

7

Ende die van binnen antwoordende, seyde En wilt mi nv niet moeyelic wesen, wandt nv is dye dore ghesloten, ende mijn kinderen zijn met mi inde slaepcamer, ic en mach nyet opstaen, ende v gheuen.

8

Ende ist dat hy volhert cloppende, ick seg v, hoe wel hi opstaende hem niet en soude gheuen, daer om dat hy zijn vriendt is, nochtans sal hy opstaen, ouermidts zijn onscamelheyts wille, ende salder hem gheuen soo vele als hi der behoeft.

9

Ende ic segge v. Bidt, ende v sal gegeuen worden: suect, ende ghy sult vinden: clopt, ende v sal gheopent worden.

10

Want al dye ghene dye bidt, die ontfanct: ende die suect die vint: ende die daer cloppende is, Ga naar margenoot+ sal geopent werden.

11

Maer wie isser van v een vader, vanden welcken, ist dat zijn soon begheert broot, sal hi hem een steen geuen? Oft ist eenen visch, sal hi hem geuen voor den visch een serpent?

12

Oft ist dat hi begeert een ey, sal hi hem ooc reycken een scorpioen?

13

Hier om, ist dat ghy die quaet zijt, weet uwen kinderen te geuen goede gauen,

[pagina F2r]
[p. F2r]

hoe veel te meer sal v hemelsche vader geuen den goeden geest, die hem begeerende zijn? *

14

Ga naar margenoot++ Ende hy was wtwerpende een duyuel, en die was stom. Ga naar margenoot+ Ende als hi wtgeworpen hadde den duyuel, so heeft die stomme gesproken, ende die scharen hebben hem verwondert.

15

Die sommighe van haer hebben gheseyt. Hi worpt wt die duuelen door Beelzebub, den prince der duuelen.

16

Ende die ander tempterende, hebben begeert een teeken vanden hemel.

17

Mer als hi kende haer gedachten, heeft hi ghesproken tot haer. Alle rijck ghedeelt teghens hem seluen sal vergaen, ende dat een huys sal vallen op dat ander:

18

ende in dien dat die duuel tegens hem seluen gedeelt is, hoe sal zijn rijck mogen bliuen staen? Want ghy segt, dat ic die duuelen wtworpe door Beelzebub.

19

Ist dat ic door Beelzebub wtworpe die duuelen, in wien werpense v kinderen wt? Daer om sullen si wesen uwe rechteren.

20

Ende ist dat ic wtworp die duuelen door die vingher gods, soo coemt dat rijcke Gods in v.

21

Wanneer een sterck ghewapende bewaert zijn voorsale, alle die dingen die hi besidt, zijn in vreden.

22

Maer ist dat daer is ouercomende een stercker dan hi is, ende hem verwint, soo ontneemt hi hem alle zijn wapenen, inde welcke hi betroude, ende hi deelt zijn roouen.

23

Die welcke met mi niet en is, die is tegen my. Ende die my niet en verghadert, dye verstroeyt.

24

Wanneer een onreyn geest wtgegaen is van eenen mensche, so wandelt hy door plaetsen sonder water, rust soeckende. Ende niet vindende, seyt hi. Ic sal weder keeren in mijn huys, van daer ic wtghegaen ben.

25

Ende als hi coemt, so vindt hi dat met besemen gereynicht ende verciert.

26

Ga naar margenoot+Dan gaet hi, ende neemt met hem seuen ander geesten, die booser zijn dan hi is Ende inghegaen wesende, woonen si daer Ende dat laetste van dien mensche wert argher dan dat eerste.

27

Ende het is geschiet, doen hi dese dingen seyde. Een vrouwe vander scaren opheffende haer stemme, seyde hem. Salich is dien buyck, dye v ghedragen heeft, ende die borsten die ghi ghesoghen hebt.

28

Ende hy seyde, het is also Salich zijn si, dye daer hooren dat woordt gods, ende dat bewaren. *

29

Maer dye scharen tsamen aenloopende, heeft hy begonnen te seggen. Dit gheslacht is een quaet gheslacht, Ga naar margenoot+ ende begheert een teeken, ende haer en sal gheen teeken gegeuen worden, dan het teeken van Ionas den propheet.

30

Want gelijc Ionas gheweest is een teeken den Niniuiten, alsoo sal wesen dye [kolom] soon des menschen desen geslachte.

31

Die coninginne vant zuyden sal opstaen int oerdeel, met die mannen van desen gheslachte, ende sal haer verdoemen, want zij ghecomen is van die eynden des aertrijcs, om te hooren die wijsheyt van Salomon. Ende siet, een meerder dan Salomon is hier.

32

Ga naar margenoot+Die mannen van Niniue sullen opstaen int oordeel met desen gheslachte, Ga naar margenoot+ ende sullen dat verdoemen, want si penitencie gedaen hebben, door die predicatie van Ionas. Ende siet een meerder dan Ionas is hier.

33

Nyemant en ontsteect een licht, ende sedt dat int heymelic, Ga naar margenoot+ noch onder een tobbe, mer op een candelaer, op dat die ghene die daer in comen, tlicht sien mogen.

34

Dat licht ws lichaems is v ooge. Daer om is v ooge simpel so sal oec v lichaem licht wesen. Ende in dien dattet quaet is, so sal ooc v lichaem duyster wesen.

35

Daer om siet toe dattet licht dat in v is, gheen duysternissen en zijn.

36

Maer ist dat v lichaem al heel licht is, Ga naar margenoot+ nyet hebbende eenich deel der duysternissen, soo salt heel licht wesen, ende gelijc een schijnsel des lichts salt v verlichten.

37

Ga naar margenoot++ Ende doen hi dit sprack, heeft hem een Pharizeus gebeden, dat hy tmiddachmael met hem eten woude. Ende Iesus inghegaen wesende, heeft geseten.

38

Die pharizeus denckende, heeft in hem seluen bestaen te seggen, dat hi hem voor die maeltijt niet eerst ghewasschen en heeft.

39

Ende die Here sprac tot hem Nv ghi pharizeen zijt reynighende die buytenste des croesens, ende des plateels, ende dat binnenste van v is vol rouerijs ende boosheyts

40

Ghi dwase, die ghene die ghemaect heeft dat ghene dat buyten is, en heeft hy oock nyet ghemaect dat ghene dat binnen is?

41

Maer nochtans dat v ouerschiet, geeft in aelmissen. Ende siet, alle dinghen sullen v suuer wesen.

42

Mer wee v pharizeen, want ghi thiende geeft van mente ende rute, ende alderley moes, ende ghy achterlaet dat oordeel ende liefte gods. Dese dingen moest ghi doen, ende die niet achter laten.

43

Wee v pharizeen, die daer bemint die eerste stoelen inder synagoghen, ende die groetingen op die merct.

44

Wee v, want ghi zijt als grauen die daer niet en blijcken, ende die menschen zijn wandelende daer op, ende en wetent niet.

45

Een vanden geleerden des wets antwoordende, sprack tot hem. Meester, dese dingen segghende, so bescaemdi ons.

46

Ende hi sprac Ende wee v gheleerde des wets, want ghy

[pagina F2v]
[p. F2v]

beswaert die menschen met lasten, die si nyet draghen en moghen, ende ghy selue en aentast niet dye swaer packen met uwen eenen vingher. *.

47

Wee v, want ghi timmert die grauen der propheten, ende v vaders hebben dye gedoot

48

Ga naar margenoot+Voorwaer, ghi geeft ghetuych dat ghi consenteert die wercken uwer vaderen: Ga naar margenoot+ want voorwaer si hebben die ghedoot, maer ghi timmert haer grauen.

49

Ende daer om heeft dye wijsheyt gods geseyt. Ic sal senden propheten tot v, ende apostelen, ende sullen dootslaen van dien, ende sullense veruolghen,

50

op dat gheeyscht mach worden dat bloet van allen propheten, dwelc wtgestort is van desen geslachte, sint dat die werelt ghescepen is

51

van tbloet van Abel, tot dat bloet van Zacharias, die daer gedoot is tusschen dat outaer ende thuys Voorwaer ick segghe v, het sal gheeyscht worden van desen geslachte.

52

Wee v geleerde des wets, Ga naar margenoot+ die genomen hebt den slotel des wetenscaps, ghi en zijt niet ingegaen, ende ghi hebt verboden den ghenen die daer in ghingen.

53

Ende doen hi dese dinghen tot haer seyde, begonden die geleerde des wets, ende pharizeen scherpelick aen te legghen, ende bedriechlijcken hem van veel dinghen te vraghen,

54

hem lagen leggende, ende begeerende yet te vangen wt sinen monde, waer doer si hem mochten besculdigen.

margenoot+
A

margenoot+
Mat. vi.a

margenoot+
B

margenoot+
Ioan. xvi c Iaco. i.a

margenoot+
C
margenoot+
Mar. iji.c. mat. xiij.b ende .vi.d

margenoot+
D

margenoot+
Ioan. ij.d Mar. 8.b. mat. xvi a 3.Reg. x.a

margenoot+
E
margenoot+
Ione. iij.a

margenoot+
Mat. v.b

margenoot+
Marc. 4.c. Luce. 8.a

margenoot+
F

margenoot+
G
margenoot+
mat. 23.b

margenoot+
Mat. xxiij


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken