Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .xxij. Capittel.

1

Ga naar margenoot++ DAt hoochtijt van azimorum stont aen welcke Paeschen hiet.

2

Ende dye princen der priesteren, ende scriben sochten, hoe sy hem dooden souden. Want sy vreesden dat volck.

3

Ende Satanas is gegaen in Iudam, Ga naar margenoot+ wiens bynaem was scariotes, die daer van tgetal der twaleuen was.

4

Ende hi is wech gegaen, ende heeft ghesproken metten princen der priesteren ende burchmeesteren, hoe dat hi hem haer soude leueren.

5

Ende si zijn verblijt gheweest: ende hebben een compact ghemaect, dat si hem ghelt souden gheuen.

6

Ende hy heeftet belooft. Ende hy socht bequaemheyt, dat hy hem soude leueren sonder scharen.

7

Ende den dach van azymorum is gecomen, in welcken het van node was dattet paeschlam gedoot worde.

8

Ende hy heeft ghesonden Petrum ende Ioannem, seggende. Ga naar margenoot+ Gaende, bereyt ons pascha dat wijt eten.

9

Ende si hebben hem gheseyt, waer wildi dat wijt bereyden?

10

Ende hy heeft haer gheseyt. Siet als ghi in die stadt coemt, so sal v te ghemoet comen een mensche, dragende een kanne waters, volcht hem int huys daer hy in gaet,

11

ende ghy sult den vader des huysgesins seggen. Die meester seyt, waer is die herberch, daer ict paeschlam met mijnen discipusen eten mach?

12

Ende hy sal v thoonen een grote eetsael gheplaueyt bereytet daer.

13

Ende gaende so hebhent zijt geuonden, gelijkerwijs als hy haer geseyt hadde, ende si hebbent paeschlam bereyt.

14

Ende alst die vre was, is hy gheseten, ende .xij. apostelen met hem.

15

Ende hy heeft haer geseyt. Met begheerte heb ic begeert dit paeschlam met v te eten eer dat ick lijde.

16

Want ick seg v, na dese tijt en sal ic dat niet eten, ter tijt toe dattet veruult werde int rijcke gods.

17

Ende als hy den kelck ghenomen hadde, soe heeft hy ghedanct, ende gheseyt. Neemt dat, ende deeltet onder v,

18

want ick segghe v, dat ick nyet meer drincken en sal van dye vrucht des wijngaerts,

[pagina F8v]
[p. F8v]

tot dattet rijcke Gods coemt.

19

Ende als hi tbroot ghenomen hadde, Ga naar margenoot+ ende ghedanct, heeft hijt ghebroken, ende haer ghegeuen, segghende. Dat is mijn lichaem, dat voor v ghegeuen wort, doet dit in mijnre gehoochnisse.

20

Des gelijcx oec den kelc, na dat hy dauontmael ghegeten hadde, seggende. Dit is die kelc, dat nieuwe testament in mijn bloet, dat voor v wtghestort sal worden.

21

Ga naar margenoot+Nochtans siet die hant des verraders is met my in die tafel.

22

Ende die soon des menschen gaet, na dattet van hem gheschict is. mer wee den mensch, doer welcken hy verraden wort

23

Ende si hebben beghinnen te vraghen onder malcanderen, wie van haer dattet waer, die dat doen soude.

24

+ Ende daer is een twist onder haer gheschiet, Ga naar margenoot+ wye dat van haer dye meeste soude schinen te wesen.

25

Ende hi heeft haer geseyt. Die coningen der heydenen die hebben heerschappie ouer haer, ende dye macht ouer haer hebben, die worden goedadige genoemt.

26

Maer ghi niet also, mer die meerder onder v is, worde als die minste, ende die de voorganger is, als die daer dient.

27

Want wye is meerder, dye aende tafel sidt, oft dye daer dient? Ist niet die aen de tafel sidt? Maer ic ben int midden van v, als die daer dient,

28

ende ghi zijt die met mi ghebleuen zijt in mijn tentacien.

29

Ende ick berey v, ghelijckerwijs als mijn vader my bereyt heeft trijck,

30

dat ghy moecht eten ende drincken aen die tafel in mijn rijck, ende sitten op die stoelen oordelende die xij. geslachten van Israel. *

31

Ga naar margenoot+Ende dye heere heeft gheseyt. Ga naar margenoot+ Symon, Symon, siet, Satanas heeft v begeert, om te siften als een tarwe.

32

Maer ick heb voor v ghebeden, dat v gheloof nyet en ontbreect Ende als ghi bekeert zijt, so sterct v broeders.

33

Ende hy heeft hem gheseyt. Heere, ick ben met v bereyt inden kercker ende inden doot te gaen.

34

Ende hy heeft hem gheseyt. Ic segghe v Peter, die haen en sal huden niet craeyen, eer dat ghy drie mael versaect hebt mi te kennen

35

Ende heeft haer gheseyt. Ga naar margenoot+ Als ick v gesonden heb sonder saxken, ende tassche, ende schoenen, heeft v yet ghebroken? Ende si hebben gheseyt, nyet.

36

Daer om heeft hy haer gheseyt. Maer nv die een saxken heeft, dye neeme dat, des ghelijcs oeck een tassche, ende die gheen en heeft, die vercoop zijn rock, ende coope een sweert.

37

Want ick segge v, dattet gheen datter ghescreuen staet moet noch in my volbrocht worden. Ga naar margenoot+ Ende met den boo-[kolom]sen is hy gherekent. Want dye dinghen die van my zijn, dye hebben een eynde.

38

Ende si hebben gheseyt. Heere, siet hier twee sweerden. Ende hi heeft haer geseyt. Tis ghenoech.

39

Ga naar margenoot+Ende wtghegaen zijnde, ghinc hy ghelijc hy ghewoon was, totten olijf berch. Ga naar margenoot+ Ende die discipulen zijn hem oeck gheuolcht.

40

Ende als hy totter plaetse ghecomen was, soe heeft hi haer geseit. Bidt, op dat ghi niet en gaet in becoringhe.

41

Ende hi is van haer ghetrocken, ontrent alsmen met een steen worpen soude, ende zijn knyen gheboghen hebbende, badt hy

42

seggende. Vader ist dat ghy wilt, neemt desen kelck van mi, maer nochtans niet mijnen wille, maer den uwen gheschie.

43

Ende een engel wten hemel heeft hem gheopenbaert, sterckende hem. Ende beuangen zijnde met banghicheit, so badt hi swaerder.

44

Ende zijn sweet was als droppelen bloets in deerde lopende.

45

Ende als hy vander bedinghe opgestaen was, ende tot zijnen discipulen ghecomen was, heeft hi haer gheuonden slapende van droeuicheyt.

46

Ende hy heeft haer gheseyt. Wat slaept ghy? Staet op, bidt, op dat ghi niet en valt in becoringhe.

47

Ga naar margenoot+Ende hi noch sprekende. Siet een schare, ende die Iudas ghenoemt was, een vanden twaleuen ghinc haer voor, Ga naar margenoot+ ende hi is Iesu ghenaket om te cussen.

48

Ende Iesus heeft hem geseyt. Iuda, leuert ghi den soon des menschen met een cus?

49

Ende die ontrent hem waren siende datter toecomende was, hebben hem geseyt Heer, oft wi metten sweerde slaen?

50

Ende een van haer heeft gheslaghen een knecht des prins der priesteren, ende heuet zijn rechter oore af gehouwen.

51

Ende Iesus antwoordende heeft gheseyt. Gehengtet tot hier toe. Ende als hy zijn oore gheraect hadde, heeft hy hem ghenesen.

52

Ende Iesus heeft gheseyt totten ghenen die tot hem ghecomen waren den princen der priesteren, ende meesters des tempels, ende ouders. Ghy zijt met sweerden ende stocken wtghegaen als tot een moordenaer,

53

als ick nochtans daghelicx by v gheweest heb inden tempel, so en hebt ghi v hant in mi niet gheslaghen. Maer dit is v vre, ende macht der duysternissen.

54

Ende hem vanghende, hebben gheleyt int huys des ouersten priesters. Ende Petrus volchde van verts.

55

Ende als si vier ontsteken hadden midden inde sael, ende si te samen daer om gheseten waren, soe heeft Petrus oeck int midden van haer gheseten.

56

Ende als een dienstmaecht hem gesien hadde sittende

[pagina G1r]
[p. G1r]

tegen tlicht, als si die ooghen op hem geslagen hadde, heeft si gheseyt. Dese was oock met hem.

57

Ende hi heeft haer hem versaect, seggende. Vrouwe, ic en ken hem niet.

58

Ende weynich daer na, een ander hem siende heeft gheseyt. Ghi zijt ooc van haer. Ende Petrus heeft geseyt. O mensch, ic en ben nyet.

59

Ende alst een poosken geleden was, bi nae een vre, soo stercte dat een ander man, seggende. Voorwaer dese was ooc met hem, want hy is een Galileesch.

60

Ende Petrus heeft geseyt. Mensche ic en weet niet wat ghy segt. Ende ter stont als hi noch sprack, soo heeft dye haen ghecraeyt.

61

Ende die here omgekeert zijnde, heeft Petrum aengesien. Ga naar margenoot+ Ende Petrus heeft gedacht opt woort des heren, hoe dat hi hem geseit hadde, eer die haen craeyen sal, sult ghi mi drie mael versaken.

62

Ende Petrus wtgegaen zijnde, heeft bitterlic gescreyt.

63

Ende die mannen die Iesum hielden, bespotteden hem, slaende.

64

Ende si bestopten hem, ende sloegen zijn aensicht, ende hebben hem geuraecht, segghende. Propheteert, wie is die ghene dye v gheslegen heeft?

65

Ende veel meer anders seyden si, blasphemerende.

66

Ende alst dach gheworden is, zijn tsamen ghecomen die ouders des volcs, ende dye ouersten der priesteren ende scriben, ende hebben hem in haren raedt gebrocht, seggende. Sijt ghi Christus? segghet ons.

67

Ende hy heeft haer gheseyt. Ist dat ict v seggen sal, ghi en sult mi niet ghelouen.

68

Ende al ist dat ict v vragen sal, ghi en sult mi niet antwoorden, noch quijt laten.

69

Maer van dese tijt sal die soon des menschen wesen sittende, aen die rechter hant des cracht gods.

70

Ende si hebben alle gader geseit. Sijt ghi dan die soon gods? die welcke heeft geseyt. Ghi segt dat ict ben

71

Ende si hebben geseyt. Wat begeeren wy meer getuychnis? want wij hebbent selue wt sinen mont gehoort.

margenoot+
A

margenoot+
mat. xvi.a. mar. xiiij.a Ioan. xi.c.

margenoot+
B

margenoot+
Ioan. vi.c. i.Cor. xi.e. mat. xxvi c mar. xiiij.c

margenoot+
C

margenoot+
Mat. xx.d Mar. xvi.f

margenoot+
D
margenoot+
Mat. xix d

margenoot+
Mat. 26 d

margenoot+
Esa. lviij d

margenoot+
E
margenoot+
mar. xiiij d

margenoot+
F
margenoot+
Mat. 26.f mar. xiiij.f Ioan. xviij c

margenoot+
G


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken