Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .xi. Capittel.

1

Ga naar margenoot+OCh oft ghi een weynich verdroecht van mijnre onwijsheyt, maer verdraecht my,

2

want ick heb v lief inder liefden gods. Ick heb v ondertrout eenen man, een reyn maecht ouer te gheuen Christo.

3

Mer ick sorghe dat gelikerwijs dat serpent Euam bedroghen heeft door zijn loosheyt, also v sinnen oeck gecorrumpeert worden, dat si vallen van die simpelheit, die is in Christo Iesu.

4

Want ist dat die ghene die daer coemt, een ander Iesum predict, die welcke wy niet gepredict en hebben, oft dat ghi een ander geest ontfanct: Ga naar margenoot+ die ghi niet ontfangen en hebt ofte een ander Euangelie, dat ghi niet ontfangen en hebt, soe soudet ghi rechtelick toelaten.

5

Want ick reken mi seluen niet min gedaen te hebben: dan die opperste apostelen.

6

Woort, al ben ick ongeleert int woort, nochtans nyet in wetenschap. In allen dinghen ben ick v bekent

7

heb ick daer aen ghesondicht: dat ick

[pagina K8r]
[p. K8r]

my seluen vernedert heb, op dat ghi verheuen soudt worden? dat ick dat Euangelie gods om nyet v verbootschapt heb?

8

Ick heb den anderen kercken berooft, dat loon van haer nemende, om v te dienen.

9

Ga naar margenoot+Ende als ick by v was, ende behoeftich was, so en heb ick nyemant lastich gheweest, want dat ick gebreck hadde, dat hebben die broeders die van Macedonien gecomen waren veruult. In allen hebbe ick my v gehouden sonder last, ende sal oeck houden.

10

Die waerheyt Christi is in mi, dat dese gloriacie in my niet beledt en sal worden in die landen van Achaia.

11

Waer omme? dat ick v nyet lief en hebbe? God weet dat.

12

Maer dat ick doe, sal ic doen, op dat ic die oorsaeck af snijde, den ghenen die een oorsaeck begheeren, op dat si int ghene daer si af glorieren, geuonden souden worden: als wi:

13

want aldusdanige valsce Apostelen zijn bedriechlicke wercklieden aen genomen hebbende dat wesen der Apostolen Christi.

14

Ende dat en is gheen wonder, want Sathanas verwandelt hem in eenen Enghel des lichts.

15

Daer om en is dat niet groot, ist dat oeck zijn dienaers een wesen tot haer nemen, recht ofte si dienaers waren des rechtuaerdicheyts. Der welcker eynde, sal wesen nae haren wercken.

16

Ga naar margenoot+Ick segge weder omme, op dat nyemant en meynt, Ga naar margenoot+ dat ick dwaes ben, anders so ontfanct mi, als een dwaes, op dat ick oeck een weynich gloriere.

17

Dat ic segge, en segge ick niet nae God. Maer als door dwaesheyt in dyt bewijs van glorieren.

18

Wanter veel glorieren, naden vleesch sal ick oec glorieren.

19

+ Want ghi gaerne die dwase verdraecht, na dien dat ghi wijs zijt,

20

want ghi verdraechtet, ist dat v yemant in eygendom brengt. Ist dat v yemant verslint. Ist dat v yemant neemt oft yemant hem seluen verheft. Ist dat yemant v int aensicht slaet.

21

Ick spreke na der onedelgeyt, recht oft wi cranc geweest hadden in dit deel.

Ga naar margenoot+ Immer waer in dat yemant derf, door dwaesheyt spreec ick, soe derf ick oeck,

22

Sijn si Hebreeusche? ick bent oec. Sijn si Israeliten? ick bent oeck, Sijn si saet van Abraham? ic bent oeck,

23

Sijn si dienaers Christi? ick bent oeck. Als min wijs wesende, segge ict, ick ben veel meer. In vele arbeyden. In kerckeren oueruloediger. In slaghen bouen maten. In dooden dicwils.

24

Vanden Ioden hebbe ick vijfmael, een min dan veertich slaghen ontfanghen.

25

Ick ben driemael met roeden gheslaghen, eens ben ick ghesteenicht, driemael [kolom] hebbe ick schipbrekinghe gheleden, nacht ende dach hebbe ick in die diepte des zees gheweest.

26

Dicwils in weghen, in periculen des waters, in periculen der moordenaren, in periculen wten gheslachte, in periculen wten Heydenen, Ga naar margenoot+ in dye periculen in die stadt: in periculen in dye woestenie, in periculen in dye zee, in periculen onder valsche broederen.

27

In arbeyt ende moeylicheyt dicwils in wakinge, in hongher, ende dorst, dicwils in vasten, in coude ende naectheyt.

28

Behaluen tghene dat van binnen is, mijn daghelijcse sorghe, van alle kercken.

29

Wie isser cranck, ende ick en ben nyet cranck? Wie worter gheschadalizeert, ende ick en berne nyet?

30

moetmen glorieren, soe sal ick glorieren, van tghene dat mijn crancheyt aenghaet.

31

God ende die vader ons Heeren Iesu Christi, Ga naar margenoot+ die welcke is te prijsen inder eewicheyt, dye weet dat ick nyet en lieghe.

32

In die stadt van Damasco, die ouerste vant volck des conincs Areta heeft bewaret dye stadt van Damasco, om my te vanghen,

33

ende ick ben door een veynster in een mande af ghelaten, ouer dye mueren, ende ben zijn handen ontuloeden.

margenoot+
A

margenoot+
B

margenoot+
C

margenoot+
D
margenoot+
i.Cor. iiij. i.Thi. iij.

margenoot+
E

margenoot+
F

margenoot+
Actuum. ix.d


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken