Diarium van Egbert Alting 1553-1594

Vrijdach 23^en Februarii 1554. In doctor Sickinghe pandt post Petri ad Cathedram.

Gheerdt Hoernken hefft sijn rapport gedaen van den Ansedach, tho Nederwesell gheholden, angaende dat Colnisschen dardendeels ende besloten des volgenden dages dat reces to lesen¹⁾.

Arendt Klinghenborch ghevanghen, vermydtz he trotzlyck myt ghewalt tegens den doerwaerder boven up den raedthuese in den Raedt wolde heen indringen, scheldende up den erbaren Raedt, ghelijk he oeck voerhen ghedaen ende libellos famosos an der karckdoeren up ende tegens den Raedt angeslagen ende ander scheltwoerden ghebrueckt hedde, waerdoer dan he doe ter tijt uuth der stadt ghelecht ende daerna sunder gheleyde weder inghekomen, ghekanth bij B. ende R., dat men hem upt nije sael stupen sall ende am avonde ter stadt uuthleggen myt dem anhanghe, soe he weder in queme sunder gheleyde, sall hij myt andere ende swaerder peen ghestrafft worden^a).

1) Inv. Hansischer Archive, Kölner Inv. I blz. 64 e.v., 367 e.v.

a) In margine aantekeningen van supplicatiën van zijn vrouw en vrienden.