Diarium van Egbert Alting 1553-1594

Wondsdach 4^en Aprilis 1554.

Ariaen Muntinck contra de oldermans ende hoevelingen van den ghilden, schelachtich um dat Muntinck tot een bouwmester ghekoren, twelck he fruntlyken vermydtz sijne geschefften affgheslaghen ende gheweygert, daerboven den noch de oldermans ende hoevelingen hem daertho hebben willen bedwinghen, mydtz sijn venster tho sluten ende sijne neringhe tho verbeden etc.; hebben B. ende R. vruntlykerwijse uutghesproeken, dat na der olderluede ende hoevelingen eghen erbedinghe Ariaen voersz. sall moeghen veer mannen van de olderluede offte hoevelingen kesen, de he onderwijlen, als he myt sijne geschefften beladen ende des niet bekomen kan, in sijne stede sall moeghen stellen ende na ende deses tegenwoerdighes jaers van dat officium entledighet sijn, daeraff de olderlude ende hovelinghe voersz. Ariaen een bezegelde certificatie ende beschijn sullen gheven.