Dinxsdach 24en Aprilis 1554.
So de voegheden van Finserwolde weder inghebracht, dat se ende de gemeente aldaer de sake van der tymmeratie der karcken in B. ende R. handen gegeven hebben, daerup B. ende R. besloeten, dat men de geschoerde clocken eerstlijck sall binnen der stadt laten brengen ende deselve up behoerlyken prijse weerderen ende tot proffijte der karcken tymmer weder anleggen. Ordineren B. ende R., dat de van Finserwolde de gheschoerde clocken noch uuth hoer eghen noch uuth der karcken goederen sullen weder geten laten, dan eerst ende voer all de karcke repareren ende upbouwen, des sullen eerstes daghes gecommitteerden daer geschicket worden, um de dinghe samptlyck to besichtigen ende ordineren, alst nutst ende best sijn sall.
Auteursrechtelijk beschermd