Diarium van Egbert Alting 1553-1594

Wonsdach 16^en Maii. 1554. Borgermester olde Johan Hoernkens pandt a Pentecostes.

De gedeputeerde, als doctor Sickinge, A <lbert> Coenrades ende Altinck, an mijn heren van Aremberge, stadtholder, up Pinxlermaendage uuthgeveerdiget, um to erlangen, dat de huesluden dat leste quartier na den suden van der stadtgraffte myt hoeren handen ende aerbeyde wolden upgraven ende voertz de helffte van een jaer huere der karckengoeder wolden to vulleste der vestenisse up brengen etc. hebben up huden hoer ontschult gedaen, waerum se weder terugge gekomen, noemptlyck der twyst ende onlust halven, so tusschen K. Mat. ende den van Overijssell stondt, ende se onderwegen berichtet worden ende wij in enich quaet bedencken van conspiratie mit denselven bij sijn genade hedden moegen komen, recht offtet eene gemakede botschap van ons weere, an sijn genade ydtzundes angedragen van tgraven ende dennoch daerdurch oersake nemen, om bij den Overijsselschen to komen ende nachtcommunicatien tholden, des nochtans bij ons neet gedacht³⁾ etc.

De pastoeren ende voeghden vant Goerecht hebben hoere renten ende opkumpsten der karckengoederen scryfftlyck overbracht ende an den rentmester gewesen, um alle der landen swette an to laten tekenen, um ten ewigen dage daeraff de kunde to hebben, dat de neet verdunckert ende verbracht koenen worden.

3) Blijkens de stadsrekening 1554 waren de burgemeesters Sickinge en Coenrades met Alting slechts 2 dagen uit. Zie omtrent de tussen Overijssel en de keizer gerezen geschillen over de afkondiging van 2 plakkaten op de munt, nl. dd. 6 en 22 okt. 1553, de kroniek van W. Nagge, Historie van Overijssel II blz. 180-236, uitgegeven door F.A. Hoefer in de werken der Vereen, tot beoef. van Ov. Regt en Geschiedenis.

[p. 15]

Oeck den uutgesentett van wegen Joest, Lucas ende Jarrch Clant weder up hoer supplicatie, als dat de dener stadtrechtover den doden, hoer broder Jo <han> Clant verslagen, solde doen mit ropen, etc.; weder ingesacht, de vrunde muchten dat graff wall demmen, men wolde daerin doen, gelijken dat na rechte egen ende behoeren solde.