Vrijdach 26 Aprilis 1555.
Alijdt Lamberts, Egberth Janssen, Johan Oegenzoens huesfrouwe, woenachtich bij dat Papenpoertken, eene verloepen begijne uuth den convente van den Hoern, durch anclagent van 2 susteren uuth den selven convente uuth stadt ende derselver gebiede ghelacht, doch 8 dagen respijt gegeven, um hoer goetken to packen, neettegenstaende dat se sachte, woe se eene olde moeder hadde (aldaer oeck in gerichte tegenwoerdich) de se hoer kost dachte voer tho winnen ende dat se jonck in den cloester ghekomen ende ghebracht hadde west.
Johan Kevelinck contra Hero N., een ossenkoper van Embden; angesehen Schotte alleenen een verkoper van der van Embden offte anderen ghuedt ende ossen sij, sall he szodane ossen, als he hiir ghehadt ende noch hefft, behoerlyken vertollen. Item Hero sall sick myt sijnen eedt purgeren angaende de ossen, de Schotte to Palme hiir ingebracht hefft, ende oeck de Hero voersz. nu ter tijt alhiir hefft, tho weten, dat he segge, hoe voele he daer do under ghehadt ende nu hebben mach; nadem oeck Hero selffs bekanth gestaen, dat he Schotten dat 3e parth van de winninghe alleenen togestaen hefft ende neet de ossen, sall Hero schuldich sijn, Kevelinck voergaenden toll van alle de ossen tbetalen, dwelcke Hero voersz. egen tokomen moegen.
Auteursrechtelijk beschermd