Maendach 6 Maii 1555.
Den deputeerden ende gesanten van Ruermunde, noe<m>ptlick Reynart Hillen ende Wilhelm van Huysshaver, in presentie van den taelmans, bouwmesteren ende Swoerne Meente wederumme durch doctor Abbrinck laten anseggen, woe men hoer angevent ende begeerte van thebben enich stuer ende bijstandt tut reparatie hoerer verbrander stadt ao. 52 verstaen hadde ende weeren oeck geneycht desulve nicht aff tho slaen, dan dewijle men ydtzundes alhiir selffs myt groeten swaeren marckelyken stadtvestinge ende tymmer belaeden, wolde men sulcx tut gelegener tijt nicht vergeten ende huerlueden myt een temelyck stuer nae unszer redelyken vermoegen mede vertroesten ende thulpe komen; des sal men oeck de gesanten upgemelt uuth der herberghe sunder hoeren costen vrijen ende quijten.
Nimwegen hadde 300 karoly gulden entheten ende de van Deventer, Campen, Swolle gesacht, se idt myt hoeren egenen boeden wolden laten besenden, wes se samptlyken bespreken worden.
Auteursrechtelijk beschermd