Diarium van Egbert Alting 1553-1594

Dynxdach 10 Septembris 1555.

De vrembde kremers ende koepluede, soe hiir van buyten ghekomen ende hoere kramen na older ghewoente up den marckte, tho weten int westen van den Vischmarckte, na dat karckhoff van de hoeck van Volckeringestrate aff upgeslagen, ende achter an hoere roede¹⁾ etzlyke van unsze bynnenkremers gekramet hadden, synt de bynnenkremers derhalven voer den erbaren Raede citeert ende verdachfaerdet worden, szodat de vrembde kremers hoere beswaringhe voerghegeven; eerstlick woe hemluyden van oldtsheer de plaetze aldaer thogestaen were; tom anderden, dat het den vrembden lueden neet lijdelyck were bij den bynnenkremers tstaende, want se vellichte ontrouwe boeden²⁾ van mageden ende knechten in hoere kramen muchten hebben, de hem dan in hoere ghuederen enigen schaden muchten bij nachten ende ontijden andoen; ten darden dat etzlyke huessluden offte ander, daer de binnenkremers enige schulde muchten mede uuthstaende hebben, de vrembde kremers solden willen schouwen, so wanneer de bynnenkremers bij hoer an eenen oert stonden ende gekramet hadden; is daerup van den heren ghekanth worden, dat de binnenkremers solden moeten upbreken ende den butenkremers de plaetze, de hoer van oltzheer thogestath ys gewest, voer sich allene gebruecken ende besetten laten ende dat bij, noch an hoer kramen

1) Paal, welke hun terrein afbakent, rooilijn?

2) Dienstboden?

[p. 42]

offte roede ghene van onse binnenkremers solden moeghen kramen. Ende ys daerna den binnenkremers voerg. an de noerdersijdt vant marckt recht tegens der butenkremers roede over eene plaetze thogestelt ende gewesen, daer se alsoe hoere kramen upgeslagen ende gestaen hebben uuth des Rades bevell.