Diarium van Egbert Alting 1553-1594

[p. 50]

Johan Metelens pachtbreeff van de wall etc.

Wij B. ende R. in Groeningen bekennen ende betugen myt desen openen breve, dat wij mytsampt rade ende consent onser Gesw. M. ende den B.v.d.g. hebben verpacht et vanweghen unser stadt Johan van Metelen ende sijnen arffgenamen ende nakomelingen tachtentich jaren lanck den wall an de zuyderzijdt van unsse stadt muere, streckende oestwert up van de doere aff, de daer uuthgheet bij den Ulentoern, hent an Lambert Hamkoten wall, des jaers voer ses arens g., bij alsoe dat men de stadtmuere nicht undergraven sall ende de stadtgrafft oeck nicht demmen en sall, beholdelyck unse stadt myt wagen ende peerden den doerganck, de daer nu ys doer unse stadtmuere, dorch welcke doerganck Johan ende sijne arffgenamen ende nakomelingen oer doerganck oeck sullen hebben ende beholden, als in ende uuth tho komen up dessen wall. Ende tho endes desse jaermalen soe sullen Johans arffgenamen ende nakomelingen de naeste daertho sijn, de wall weder in pacht tho hebben, soe veer se soe voele willen gheven als een ander. Ende off men des pacht alsdan nicht over eens en mochten, soe sall deghene, de den wal dan an sick nemet, Johans arffgenamen offte nakomelingen betalen datghene, dat alsdan up den wall staet tot twijer ghuede manne seggen. Desse pachtinge ys gescheet vermydts dre kerckspraken ende alsoe bij de keerse opgeslagen, sus soe ys daer nemants ghekomen, de daer soe voele voer hefft willen gheven offte soe veele voer hefft boden tho gheven. Waerup wij Johan myt sijn voergenoempden sullix alsoe hebben verpacht. Sunder argelist, dat oerkunde wij myt unss stadtszegel. Ghegeven in den jaer uns Heren 1527 up dach Lebuini confessoris, doe Lubbert Koeninck, Lubbert Ulger ende Reynt Alberda borgermesteren weren unser stadt¹⁾.

Wij B., R., S.M. ende B.v.d.g. der stadt Groeningen bekennen ende betuegen in en vermydts desen openen breve voer uns ende unsse nakomelingen, dat wij hebben verpachtet Johan van Metelen ende sijnen arffgenamen den wall, gelegen an de suydersijdt van der Aepoerte myt die bomen daerup staende, soe veer als de voers. wall nu bevredet ys, vijfftich jaren lanck, jaerlyx voer twalff embder g. Des sal men daer moegen up tymmeren een sommerhues up stijlen, brouwen ende varwen up den voerg. wall uuthgescheyden. Sunder argelist, dat oerkunde wij myt unss stadt secreet. Ghegeven in den jare unss Heren 1534, Donredages voer Presentationis Marie.

Copiae ex copiis 1.29.56.

Wij Stadtholder ende Hoeftmannen der Stadt ende Ummelanden van Groenyngen vanwegen Ro^r. Key^r. Ma^t, als hertouch van Brabandt, grave van Hollant ende erffhere der Stadt ende Ummelanden vorsz. etc. doen kondt unde bekennen, dat voer ons gekoemen unde erschenen is de erbare Johan Metelen ende bekande voer hem ende sijnen erffgenamen, dat he heeft verpacht Herman Saelmaker ende sijnen erffgenamen twalff jaer lanck een stucke landes myt den boemen, de daer up staen, gelegen an de westerzijdt der Papenpoerte an de noerderzijdt der stadtgraffte, soe breet als Johan Metelen des van der stadt in de pacht heft ende sal uut den oesten hent int westen lanck sijn ses roede, myt vorworden dat Herman vorsz. ende sijne arffgenamen sollen dyt vorsz. landt bevreden ende an de stadtgraffte nicht demmen, daer Herman ende sijne arffgenamen jaerlix alle halve

1) De vierde burgemeester, Roleff ten Water, is blijkbaar vergeten.

[p. 51]

jaer voer geven sollen dartich sulcke stuvers, als dan in tijt der betalinge in Groenyngen voer de waghe ganck ende gave sint. Ende wes up dyt lant steet off staende wordt, sall daerup blijven staende. Ende ten enden desse vorsz. jaren soe sall Herman off sijne erffgenamen de naeste daertoe sijn sullixs lant weder in de pacht toe hebben, soe se daer soe voele willen voer geven als een ander. Ende off van Herman ende sijne erffgenamen soedane vorworden nicht geholden en worden, soe vorsz. is, soe sall desse pacht myt hem uut sijn. Desse jaermalen sollen angaen up Santgangen naestkomende. Orkonde wij Stadtholder ende Hoeftmannen upgemelt myt unsen amptssegell. Gegeven in den jare unss Heren 1552 up den 30en dach Julii.

Collationneert myt sijnen originalen vorzegelden pachtbreeff ende daermede bevonden van woerde tot woerden accorderende.

Bij mij secretarium Groeningensem

Alting

1.29.56.