Diarium van Egbert Alting 1553-1594

Donderdach 26 Martii 1556.

De vulmachtigen uuth beyden Oldenampten voergeholden, van de vagabunden ende heerlose knechten uuth den lande tho verdrijven, twelcke oeck de Goerechters up verleden Maendage voerghegeven, ende voer guet angeseen, dat men een hoefft solde kesen, daertho 20 ofte 30 gesellen annemen ende deselve up behoerlyke besoldinge in den Oldenampten ende Goerecht laten ummetrecken ende szodane moetwillige boeven verdriven, daertho dan de beyde Oldeampten twe hondert ende de Goerechters een hondert dalers solden moeten contribueren, welcker penningen bij eenen onpartijegen manne solden tut proffijt der landen voerg. ontfangen ende uuthghegeven worden; des dan de Goerechters up morgen ende de van den Oldenampten up naesten Dynxsdage hoer andtwoerdt solden wederumme inbrengen.

Claes Hollander contra de gemene schutemakers ende Harmen van Meppen, kuper, B. ende R. koenen neet bevinden, dat sodane grote schepe tho maken als dyt schyp, daer nu questie om ys, behoert begrepen tho wesen under de schutemakersghylde, nochtans muchtet so voele gescheen, dat de Raedt een ander insehen daerin wolden nemen¹⁾.

1) Zie 16 april 1556, 28 jan. 1557 en 30 aug. 1559.