Diarium van Egbert Alting 1553-1594

[p. 59]

Donderdach 23 Julii 1556.

Derck Coenders, Hinrick Knotte, Johan Knotte, Jonge Hoeveman tho Yde, Johan in de Woerdt tho Glymmen, Johan Altinge tho Glimmen hebben voer rechte angenomen, dat se Jurgen Jarges willen tho rechte staen alhiir vor B. ende R., was he belangende dat ghebrueck vant Hoernscher deep up ende tegens se sall koenen mit rechte ghewinnen.

De samptlyke anclagers, noemptlick de buerschappe van Glymmen, Haren, Hemmen, Dillichte ende Hellpen, myt ende uuth den naemen wegen Yde, Eelde ende Potterwolde up ende tegens Jurgen Jarges, dewijle se under verscheyden jurisdictien geseten, sullen eerst ende voerall twe vullmechtigen maken, dewelcke deser stadts offte des Goerechtes jurisdictie ondergeseten sijn, ende dat gedaen sijnde, sullen de samptlyke karspelen alsdan wederumme in hoer olde besydt des diepes gestelt wesen; hefft gedachte Jurgen Jarges daerna up de vorg. anclagers angaende den deepe, daer nu quaestie umme ys, tho sprekende, mach he up desulve vulmachtige alhiir voer ons spreken ende sijne sake vervolgen, als dat na rechte behoeren sall.

Hynrick in de Woerdt ende Hynrick Rotgers hebben sich hiir voer borgen presenteert, voerts myt beleven des wederdeels. Actum den 30 Julii 56^a).

a) Staat in margine.