Diarium van Egbert Alting 1553-1594

Dynxsdach 6 Octobris 1556.

Szo de pastoer ende schulte van Peyse de voegeden van sunte Geertrude²⁾ angedragen ende van des gestrengen ende erntfesten Bourmannia, drosten van Coverden, wegen begeert, se tho Langeloe up des gasthueses landen wolden komen ende besichtigen de selve lande, wes hynder offte schade de bij dat graven muchten hebben, soe sijne strengede aldaer angevangen, dewelcke dan gaer weynich ende

2) St. Geertruids- of Pepergasthuis te Groningen.

[p. 62]

van gener weerden solden sijnde etc. ende so de voegeden sulckes nicht sunder des erbaren Rades consent dursten noch wolden annemen, hebben se samptlick tselve den Rade angedragen, daerup dan beraedtslaget ende besloeten als volget: Szo an szodane gravent ende affleydinge der veenwateren nicht allene den gasthuese van sunte Geertrude, dan oeck alle denghenen, so in de lege lande, daer deselve wateringe sich solden moeten uuthdragen, geguedet ende gelandet sijn, marcklyck an gelegen ende desfals groten overlast, hynder ende schaden namaels togefueght solde worden, dewelck sich rede eensdels desselven gravent beclaget, so en koenen B. ende R. in achterdeell van veelen anderen borgeren ende ingesetenen alhiir den voegeden geen consent geven, se in szodane gravinge solden moegen consenteren offte bewilligen.