Diarium van Egbert Alting 1553-1594

Vrijdach 22 Octobris 1557.

B. ende R., oldt ende nije, sampt T., S.M., trefflyke borgeren, ende B.v.d. ghylden hebben na rijper ende mennichfoldiger deliberatie eendrachtlyken besloeten, dat men den heren ghesanten, so men tho Deventer affveerdigen worde, vullenkhomen bevell sall mitgheven, szoveer de Overiselschen die vernoettelinge¹⁾ der confederation ende thohopesathe²⁾ gheneight weeren in tho gaen, sall ingelijken alsdan van den selven ghesanten oeck wegen deser stadt daerinne verwilliget ende belevet moegen worden.

Tom anderden oeck bij den samptlyken heren ende vrunden belevet, dat ghedachte ghesanten den artikel in den recesse verlijvet, belangende dat men sich

1) Onbekend woord. Uitnodiging?

2) Verbond.

[p. 83]

der copenschap van den Engelschen lakenen ende commoditeten sall in den Hansesteden entholden, oeck mede consenteren ende beleven moegen.

Belangende oeverst de besendinge an Kon. Mat. uns aldergen. heer etc. sullen sij daerinne mitten Ghelderschen ende Overijsselschen mede raeden ende sluyten moegen, gelijken se samptlyken voer raethsam vinden ende sluyten soellen. Ende offtet sich begheve de Overisselsche stede de vorsz. articulen neet in wolden gaen ende sich der Ansze vellichte lever ontslaen edder verlustich sijn wolden, sullen upghemelte ghesanten in dem deele ende gevalle gheen macht hebben, de Anse unsent wegen tho ontseggen edder to verlaten, dan sullen sulckes uns eerst wederumme thorugge inbrengen, umme wijder communicatie daerup tho moegen holdenn.

Hiirup een erb. Raedt sampt taelmans ende boumesteren den erb. Gheerdt Hoernken tho Deventer affgefeerdicht myt credentz, commissie ende bevell, umme neffens de erb. gesanten van Gelderlant ende Overijsell up den angescreven 26 dach Octobris tho erschijnen ende beraedtslagen mit se samptlick angaende van de besendinge an Kon. Mat. uns. aldergen. heer tut affschaffinge der beswaringe in Engelant ende off men der Engelschen lakenhandell oeck hiir verbeden sall, gelijken in de ander Anszesteden rede angenomen.

Up de vorgen. bewilligung ende nadat also eendrachtichlyken besloten hadde ghewest, etzlyke kremer ende lakensnijder, dewelcke an een erb. Raede versocht, offte se oeck Engelsche waer ende lakenen tusschen dyt ende dat de vijff weeken vorstreeken weren, solden noch vrij moegen inkopen edder nicht, van een erb. Rade angesacht, se sich wall solden selffs voersehen, de Raedt konde hoer gheen verloff daertho gheven, wolden se idt oeverst doen, muchten se idt doen up hoer egen aventuer.