Diarium van Egbert Alting 1553-1594

Donderdach den 16 Decembris 1557.

De samptlyke renteners, so renten moegen hebben over dat hues, de Clocke ghenoempt¹⁾, contra Johan Kevelinck; kennen B. ende R., dewijle de vorsz. renteners nicht mit Kevelinck willen dulden noch thovreden sijn, sall Johan Kevelinck de penningen, daervoer he dat hues getogen, tusschen dyt ende naesten Saterdaghe in der verordnete raedtsheren handen bestellen; in ghevalle neen, sall datselve hues wederumme bij der keertsen uuthganck na een stadtrechte upgheslagen ende verkofft worden ende wes datselve hues weyniger verkofft mach worden, alst nu getogen ys, daer sall Kevelinck voer staen moeten, neffens dem oeck alle rechtlyke onkosten daerup ghegaen, betalen.

1) De ‘Clocke’ bestaat nu nog, aan de oostzijde van de Vismarkt.