Donderdach 27 Januarii 1558.
Nadem Wicher van Steenwijck oldermansdener besheer ghewest, is questie gevallen, de koer van een nijen oldermansdener bij B. ende R., edder bij den olderman offte bij den olderman ende Ghyltrechte, offte bij den Ghyldtrechte alleenen staen solde; daerup dan up ghysteren de olderman bij een erb. Raedt erschenen ende sich beclaget, soeals he den koer behoerde tdoende, wolde em sulcks beswaerlick sijn, so doch sijn tijt kort velle, wolde gheerne sijn persoen belangende de Raedt den koer overdragen, soe des de minste ongunst maken solde. Soe dan tGhyldtrecht sich hiirover an den olderman beclaget, se hiirinne in hoer recht ende heerlicheit solden bekortet worden etc., is de olderman daerup andermael up huyden voer een erb. Raedt erschenen ende begheert, men de sake an den Giltrechte schuven wolde, updat he daer onbedacht muchte in blijven; tselve dan oeck also gescheet.
Auteursrechtelijk beschermd