Diarium van Egbert Alting 1553-1594

Wondsdach 1 Martii 1559.

Soe doctor Abraham Spengler ende Mr. Gherhardt Lennep, gestlicker jurisdiction notarius, een credentz²⁾) van den hoechweerdigen ende vormoegenden etc. den bisscop van Munster an B. ende R. gebracht, hebben desulve B. ende R. den

2) Zie Ingek. br. 21 februari 1559.

[p. 93]

gesanten vorg. laten anseggen, wen se enige muntlyke warbunge wegen oers gen. heren hedden voer to dragen, weeren B. ende R. geneight, se ydtz wall to hoeren. Offte dennoch de materie vellichte int angheven lanck werde vallen, dewijle nu voele erbare luede bij ende neffens den erb. Rhade vordaget weren, wolde een erb. Raedt van se begeert hebben, up morgen to 8 uren bij se to komen, um oer bevell to entdecken, wolde sich een erb. Raedt alsdan daerto geerne beledigen, daerup se ter antwoerdt ghegeven, woe se gelijcksvals een credentzbrieff an Lieutenant ende Hoefftmannen mitgehadt ende denselven lieutenant oer gewerbunge int lange oepenbaert ende te kenne ghegeven, dier ongetwijffelter toversicht he sulcx den Rhade wall communiceren ende verstendigen werde, doch wolden se erst van em antwort verwachten ende sijn goede meninge vernemen ende in vall idt alsdan noedich sijn wolde en erbaren Rade deshalven wijders to begroeten, wolden se tselve up den namiddage den heren borgermester in der tijdt entdecken, woewall dan nu de gesanten nicht bij den borgermester gewest, hefft nochtans de Radth hoeren secretarium weder an se in oer herberge geschickt, um van se to vernemen, offte se bij den Raedt noch begheerden to komen, de Raedt were geneight se guetlyken to hoeren ende hoer bevell to verstaende. Daerup se ter antworth ghegeven, se weren also van den heren Lutenant ende Hoefftluden bericht worden, dat se achteden voer dytmael onnoedich tsijn, een erbaren Raedt deshalven wijders to bemoyen, versegen sich dennoch alles goedes to een erbaren Raedt, dat se uuth naberlyker verwantenisse des gedachten hoechwerdigen heren des bisscopes gesanten edder commissarien, so vellichte nachmaels gheschycket muchten worden, allen behulp ende bijstandt myt schryfften offte anders gheerne doen werden ende laten bejegenen; bedanckeden suns den erbaren Rade aller guetlyker erbiedinge etc., in menonge up den middach sich weder up der reyse to beghevende.