Diarium van Egbert Alting 1553-1594

Donderdach 27 Aprilis 1559.

Up hueden den 27 dach Aprilis B. ende R., olt ende nije, sampt T., S.M., oeck bouwmestern ende oldermannen van den ghylden van wegen derselver ghylden, mit etzlyke erbaren ingesetenen borgeren daertho verdaget sijnde, hebben samptlick voer sich ende van wegen deser stadt ende derselver ingesetenen bewillight ende besloeten, oeck voer nuth ende noetwendich anghesehen, dat de olderman sall tegens de ingesetenen der Ummelanden ende allen anderen, soe tegens dat oldermansboeck offte enich punct in den selven boeke begrepen, ghedaen moeghen hebben, mit ernste voertvaeren, soe tho verstaende, dat de olderman, neffens ende boven alle andere sijnes amptes berichtinghe, sall tegens deghene insunderheit procederen moeghen, dewelcke enighe waere offte ghueder in offte uuth den Omlanden ghevoert ende verkofft moegen hebben, tensij deselve waere ende ghuederen erst tho Groeningen ten staepell ghewest, daerselffs vertollet, verkofft ende weder ghekofft moegen sijn. Hebben oeck samenderhandt versproeken ende bewillight, de onkosten to willen dragen ende vergelden, soe int vervolch van desen

[p. 94]

dorch processen, reysen ende anderssins ghedaen ende angelecht moegen worden ende voert malckanderen mit oeck den olderman ende Ghyldtrechte hiirinne mit lijff ende guet te stijven ende to starcken, oeck één hoefft to wesen in allen saecken ende swarichheyden, soe uuth sodanen vervolch, verdegeninghe ende bescharm des oldermansboekes ende ghyltrechtes enichssins rijsen offte entstaen muchten¹⁾).

1) Zie ook Reg. Feith 1559 nr. 66 en de memorie van de syndicus: Een corte verhael van de twyste tusschen Stad ende Landen hangende, den stapel belangende, Acta syndici.