Diarium van Egbert Alting 1553-1594

Saterdach den 10 Februarii 1560.

Szo der stadt spoelluden sich over Christoffer, de organist, ende Hinrick, de klockenspoeler, beclaget, als dat de em dat broet uuth den mundt solden nemen, vermydtz desulvige sich understunden ende annemen in winckopen ende warschuppen myt oft up sodane instrumenten to spoelen, als se ghebrueken ende up

[p. 101]

angenomen sijn etc. Ordineren ende verclaren hiirup B. ende R., dat gemelte Christoffer ende Hinrick nae desen dage in ghene wijncoppen noch warschuppen soelen spoelen up sodane instrumenten, als der stadt spoelluden gebrueken ende up angenomen sijn, sunder moeghen sich wall allene myt hoer snaerenspill behelpen. Des soelen sich dan oeck der stadt spoelluden tegens eenen iideren borger geboerlyken dragen ende holden, soedat sich des niemant to beclagen hebben sall.

Angesehen^a) der stadt spoelluyden sich nu erbieden, oeck dat seydenspyll te willen gebruecken, gelijken etzlyke anderen besheer gedaen ende voer den selven prijs ende solarium woe anderen, soe staen B. ende R. denselven stadtspoelluyden tho, dat se in wijnckopen ende warschoppen ende voerts in gasterien, daer gaerghyffte gescheen ende bruydt ende brugeman sijn, voer anderen spoelluyden sullen denen ende angenomen worden, beholtlycken bij een iideren van den borger offt inwoeneren de koer staen sall, off men se alle thogelijke dan hoerer een deell sall willen hebben offte begheren to gebruycken, des soe sullen se oeck wederomme geholden sijn alle hillige dagen na der missen van den stadthuese tho spoelen, gelijken dat in den vrijen marckeden besheer gewoentlick gewest. Allent tut des erbaren Rades wederseggen ende beleven. Actum den 26 Octobris 1560.

a) Van hieraf in margine.