Diarium van Egbert Alting 1553-1594

Saterdach den 18 Maii 1560.

De dijckrechteren ende gemeente van Noertbroecke contra de conventen van Grijsemonnyken, Oesterwerum ende Grijsevrouwen, sampt de karspelen Midwolde, Scheempte, Eexst, Woldendorp ende Waghenborghe, mit sampt de dijckrechteren aldaer; B. ende R. holden dat tegenwoerdighe mandaet van date den 11 Maii 1560 voer verdegendt ende kennen voerts, dat de dijckrechteren ende ghemeente van Noertbroecke sullen voer erst moeten nagaen ende achtervolgen

[p. 103]

sodane beredinge, als rede bij den erb. Raede voerhen in deser saeken gedaen ende uuthgesproeken is, van date den 14 Februarii laestleden¹⁾ ende sulckes gedaen sijnde, moegen se deputeerden aldaer ter plaetzen vorderen ende hoer beclach ende anspraeke doen, alst hem goedtduncken sall.

Thomas Hayekens contra sijn naberen, de sich beclageden, woe he een hoeffken binnen der groepen voer sijn vensteren begrepen, datwelcke he gemeent ommeher to bestareketten, waerdoer den naberen hoer vrije uuthsicht benoemen solde sijn, mede oeck dat der heren strate daerdoer benouwet solde worden, soe de wagenen de eene den ander quellyker solden moegen vorbij koemen offte hoer wendinge ende keringhe hebben etc. Hiirup hebben B. ende R. voer guet angesehen, dat Thomas sal de vorg. starckettinge so leech maeken, als sijn slachvenster is ende dat angelechte hoeffken alsoe moegen daerna hebben ende gebrueken, bes tho des Rhaedes wederseggen. In de Heerstrate an de oestersijdt^a).

1) Op 14 februari staat in het diarium alleen aangetekend in deze zaak: kennen B. ende R., dat de van Noertbroke den besegelde contract voer rechte getoent, soelen naegaen ende achtervolgen.

a) In margine staat: supra 378 <4 Mei 1557>.