Diarium van Egbert Alting 1553-1594

Donderdach 27 Novembris 1561.

Den olderman ende busheren weder bij den erb. Raedt ingesecht upt ghene, se den 4 heren borgermesteren up naesten Sondage voergedragen, als dat mester Haro Wijnken ende Cornelys Kempis in des oldermans recht getastet ende deshalven dersulven goeden raedt gefurdert etc. Voer antwoert ingesacht, dat angemarcket van alle saken, daer dat Ghyldtrecht van kennende worde, de appellatie

[p. 115]

stonde ende velle na older gewoente steedts an den Raedt, soe en wolle idt oeck derhalven sich niet temen offte behoeren, in sodane saken to raden, dan dewijle de vrunde, soe den Ghyldtrechte geswoeren, nu rede een voerschryfft hadden, woe in gelijker saeken anno 57 gehandelt, muchten se tselve, so idt em guet duchte, noch also nagaen ende volgen, datwelcke dan een erb. Raedt stellede an hoere egen discretie. Doch neet to weyniger weeret den syndico rede als een geswoerne voer der stadt voervallende rechtsaken angesecht, dat he de sake van der stadt wegen mit ende neffens den olderman solde helpen verdegenen ende de gerechticheit van den olderman ende Ghyldtrechte met rechte voerstaen ende bescharmen.