Diarium van Egbert Alting 1553-1594

Vrijdach den 11 Septembris 1562.

Is den muntemester Jasper van Osenborch affgedancket worden, de sich dennoch nu daler, halve daler, ende oertdaler, sunder 8 stuver penningen daertusschen to munten allene to willen maecken anghenomen, doch so een erb. Raedt daertho geneight, wolde men hem voer anderen daermit versehen ende tut gelegener tijdt verschrijven; na mennichfoldighe beraedtslach ende beswaringhe is idt am meesten erwoegen, dat men ydtz noch mit voele pleytes behangen¹⁾, sodat men des hoeffs gunst wall bedarff sijn solde, de vellichte durch idt munten geringert muchte worden; mede dat de princendaler mar up 30 stuver geslagen ende 35 golde; wen men dan na den alloy solde slaen ende deselve edder de unse allene bij den hove nedergesat offte verboden, solde men hiirmit unse egen gelt verhopen, oeck so hedde wij dat privilegium van den Rijke, solden derhalven na des Rijkes ordinantie moten munten offte wolden de privilegien in gevaer stellen.

1) Zowel met het proces tegen de Ommelanden als tegen Appingedam.