Donderdach 18 Martii 1563.
Derwijlen Krijthe (sich scrijvende subdelegatus officialis) den van der Munte alle in den ban gedaen ende den kerckendenst verboden, omdat sich twe op den kerckhove aldaer gewondet ende bloet vergoeten, sodat se geen misse doen off hoeren, geen kinder doepen offt doden musten begraven, neettegenstaende se derwegen mit Krijte rede componeert up 12 daler, daer he 4 van up hant entfangen ende want idt dan onbillick scheen, oeck ongewisse was, offte hem sodane macht om alsulcken slichten sake competeren solde, is bij een er baren Raedt den vrunde van der Munte voersz. angesacht, dat se solden voertan hoer kerckendenst in der kercken ende voert up den kerckhove na older gewoenten doen ende gescheen laten, ghelijken se voer hen duechdelyken gedaen ende wes hem daerna wijder muchte bejegenen, solden se tselve alltijdt B. ende R. anbrengen ende verwittigen, wolden alsdan daer vorder in doen ende gescheen laten na behoeren.
Auteursrechtelijk beschermd