Diarium van Egbert Alting 1553-1594

Vrijdach den 5 Novembris 1563.

De erb. borgermester Johan Wijffringk contra Almer Hayens; wijsen B. ende R., dat angesehen Almer vorg. den amptman in bedeninghe der iustitie geiniurieert ende mit verachtlyken woerden bejegent, oeck den rechtdach verstuert, sal he voer sodane sijnen moetwille ende hoemoet den recht verbuert ende gebroecken hebben 50 daeler, de 2 parten der hoecheit, tho wetende B. ende R., ende den darden part den amptman vorg., deselve tusschen dit ende midwinter eerstkumpstich onweygerich ende onvertochlick op to brengen ende tbetalende.

Ghese Pamerius ende Grete Vinckers, vischwijven, soe de vechtachtich mitten anderen geworden ende een swangbare vrouwe deshalven an een kant van de vischbancken durch dranck ende getummel des volckes ongeveerlick mitten swaeren lichaem gevallen ende gedrenget ende voer daerna in mijner suster hues daer tegensover gebracht ende vorstorven gewest ende also de beyde vischwijve uther stadt geweecken, is idt laestlick bij een erb. Raedt voer guet angesehen, se der doeden vrouwen halven wederomme onbevreest binnen der stadt

[p. 132]

solden moegen komen, bijsunders want durch de cluffttuech neet bevonden, dat emants van de beyden vrouwen de swangbare vrouwe gestot off geruert hadde.

Oltampster warff is gheholden in de weecke post Martini, beghinnende up Maendaghe den 15 ende is geendet des Vrijdages den 19 Novembris 1563. De his int protocoll van Oltampster warffsaecken etc.