Diarium van Egbert Alting 1553-1594

Donderdach 20 Januarii 1564.

So heer Regnerus Papinck, pastor to Haren ende decanus over Groningen, Goe ende Woldt, sich durch een Latijnsche overgegeven supplicatie beclaget van seker abusen ende misbruecke in der gheestlyker iurisdiction ende daerup na older gewoenten bijstandt an een erbaren Raedt versocht, sodat een borgermester edder twe raedtsheren neffens den deecken up allen rechtdagen muchten sitten, woe tselve bij den voerigen bisschoppen tho Utert also statueert ende verordnet etc, hefft een erb. Raedt sulckes mede behartiget ende oeck voer guet angeseen, also tho sullen voertan ghescheen ende onderholden worden, daermit de authoriteet ontsicht und ghehoersam gestarcket und de iusticie aldaer sijnen geboerlyken voertganck hebben und gewinnen moeghe end sint terstundt twe raedtsheren daertho verordent, ene uuth den halven blijvenden ende een uuth den affgaenden halven deell.

De olderman van de schroers edder snijderghylde contra de gemene pelsers; B. ende R. koenen neet bevinden, dat sodane fluynen³⁾ canten, daer nu questie omme is ende diergelijke dingen to veraerbeyden, veyle tholden ende to verkopen, der pelserghylde edder ampte allene roeren offt angaen solde.

3) Fluwijn = marterbont.