Diarium van Egbert Alting 1553-1594

Dinxdach 30 Maii 1564.

Up ghysteren ende huyden is besloten, dat de rotten sullen dat Dampsterdeep ende dat Hoenendeep upgraven ende is up ghysteren bevonden, dattet Dampster-

[p. 138]

deep bes to Hogerbrugge is 312 roe, de roede van 20 voet, ende dat Hoendeep bes an den tyll 87 gelijker roeden ende voert over den tyll wall 10, offte ongeveerlick tosamen tot 100 roeden, de noetdrufftich to graven sullen sijn^a).

B. ende R. mitter S.M. hebben den bouwmesteren ende smeden der s waden¹⁾ halven, so int Goerecht verkofft moegen worden, ingesecht, dat men durch hoer voergebrachten bewijs ende bescheet uuth dat oldermansboeck den Goerechteren den handell van neringhe neet solden koenen verbieden, dan een erb. Raedt sijn voererst geneight, den amptman in bevel tdoende, gheen luden van quader secten offte uuthemschen sunder genoechsam beschijn van hoer laester woenplaetz aldaer te lijden ende willen verners oeck alle gefuechlyke middelen gheerne anwenden ende gebruken, daermit de neringe aldaer soe voele moegelick geswecket ende gemindert moeghe worden.

a) In margine verwijzing naar 28 mei 1574.

1) Swade = zeis.