Dinxsdach 2 Januarii 1565.
B. ende R. consenteren den wantscherers, dat nemant alhiir dat wantschererampt sall moegen upsetten, eer deselve een behoerlyke prove gedaen ende bevonden is, sijn ampt ghenoechsam tho koennen, daer se dan twe raedtsheren in der tijdt mede sullen bij nemen, als de proeve gescheet; worde oeck emants sijn laeken van den wantscherers int scheren offt anders geschent offte verdorven, sall sulckes staen erst tut erkentenisse des oldermans ende hoefflingen van de vors. ghylde ende daerna komen tot des erb. Rhades verclaringhe ende de also gebrecklick bevonden wort, sall eerst dat laken moeten betalen ende an sich holden ende daerenboven vijff marck verboert hebben, halff der ghylde ende halff ter stadt behoeff, dit vorsz. allent tut des Rhades beleven ende wederseggen. Dit is in hoer rulle gescreven.
Auteursrechtelijk beschermd