Diarium van Egbert Alting 1553-1594

[p. 145]

Vrijdach den 22 Junii 1565.

Soe de commissarius.......^a). uuth den hove van Brabant durch Cornelium Kempis und eenen anderen voerdragen ende begheren laten, sijn hoechweerdige in de saeke van den tho Bruessell ghevangen Thomas Luchtemaeker szekere unse borgere ende inwooneren durch unss stadtdener voer em muchte citeren lathen ende selffs examineren up sodane positien ende articulen, sijn hoechweerdige desulvigen solde voerstellende worden, is daerup bemelten Kempis sampt sijn adiunct weder ingesacht ende thom affschede ghegeven, dat de commissarius denghenen, sijn hoechweerdige begheert verhoert thebben, durch der stadt deneren nae den middach in de banck voer den borgermester myt sijn bijsitteren solde moegen citeren laten, daer de gedaechden alssdan in des commissarius jegenwoerdicheyt up voergestalte positien ofte articulen solden verhoert ende derselver ghetuechnissen beschreven worden.

a) Naam niet ingevuld.