Dinxsdach 9 Octobris 1565.
Bernardus Stuerman sampt de rentmester van Nijenhues hebben van wegen des graven van Benthem uuth bevel desselffs voerweseren an een erbaren Raedt versocht, in de poses gestelt te worden eens huses, wandages saligen Lubbert Clant tobehoerich, dat vervangen Victoris (als se sachten) durch misbetalinge der grunsingen verwircket ende in commissum vervallen sijn solde, waerup em ter antwort gegeven, he muste den wederpart rechtlick verdagen laten, wolde men se dan goedes rechtes wedervaren laten. Sachten em sulckes onnoedich, derwijlen rede lex inter contrahentes dicta ende verwillight, oeck over menschen gedencken de gebrueck also geholden, dat de huese durch misbetalinge der grunsingen verboert sijn solde etc. Daerup em nochmals ingesecht, dat men en geerne een stadtdener an den bewoener des huses offte een wetebreeff an den here desselffs vergunnen ende mitdelen wolde, oeverst dat men up sodane hoer e montrede in affwesent des wederdels de versochte insettinge rechtswegen neet doen konden. Sachten weder, se neet up den persoen dan alleenen up den verwirckeden huse te sprekende, muchten sich derhalven gheen actoren maken, wolden dennoch den gebrueker wal een dener ansenden, wen des hoeren gen. heer anhe nadeel sijn werde, begeerden oeverst, een erb. Raedt denselven uuth sich verboden wolde, woe dan wal eermaels bescheen. Is em derdemael angesacht, dat een erb. Raedt quellyck
Auteursrechtelijk beschermd