Diarium van Egbert Alting 1553-1594

Vrijdach 24 Novembris 1570.

Den deputeerden van Drenthe angesecht up hoer versueck an de stadt, mit seecker missive van den secreten Rhade gedaen, als dat men hoer uuth erheefflicke reden ende oersaecken, de stadt moverende, jegenwoerdich noch geen bescheet kan gheven, voerdat de stadt deshalven een jegenbericht an sijn excell^e. gedaen sal hebben.

Post reditum nostrum ex aula.

Borgermester Johan Clandts pandt post Andreae.

Up avende des dages van Andreae, quae est ultima Novembris, fuit noster reditus; weren uuth west 7 weecken min eenen dach ende is midlertijdt tusschen

[p. 182]

Allerhilligen ende Allerzeelendach de grote ongehoerde inundatie ende overloep des solten waters (leyder Godts) overkomen, daer allene up Unnemaheerdt tho Hoerhusen een ende twintich menschen junck ende olt elendichlick gebleven, doch, Godt loff, noch een paer mit 4 kinder gebarget worden; woe voele menschen ende beesten anders in den karspelen ommeheer ongeveerlick verdroncken, hebben de heeren hoefftluden, als men best vermucht in der ijll, woe oeck B. ende R. in den beyden Oldenampten, durch den gerichtsluden ende anderen antekenen ende bescrijven laten¹⁾.

1) Helaas zijn deze lijsten niet meer over.