Diarium van Egbert Alting 1553-1594

Saterdach 11 Augusti 1571.

B. ende R., oldt ende nije, savonts omtrent 5 uhren vergadert sijnde ende raedtslagende van tgene der heer van Billy, coronell, sich tegens den heer borgermester ende rentmester noch gelijcken voerhen vernemen laten, de stadt de

[p. 197]

leninge noch muste verschaffen, offte he dachte den borger de soldaten up de kost te leggen, neettegenstaende men sijn Gestr. voergedragen des stadt, boven des se onvormoegens des langer tdoende, dorch oere gesanten mit sijne Excell^e. geaccordeert, sodat de leninge sal upholden ende deshalven boven sulcken vordrach mit sijn Exc. neet konden noch dursten doen, is lestlick besloten, dat men het up den verdrach, mit sijn Exc. gemaeckt, solden laten berouwen, verhoepende sijn Gestr. geen bevell hebbe, ons boven het verdrach van sijn Exc. also te overvallen, des men sijn Gestr. oeck also weder inseggen solde, dan des doen willende is sijn Gestr. neet in huys gewest ende hem in sijn hoff int Jatt sueckende, is daer oeck neet gevonden, soe dattet up sanderen dages smorgents uuthgestelt, soe men hoerde, dat sijn Streng. ten Broeren was.