Diarium van Egbert Alting 1553-1594

Dinxsdach 29 Januarii 1572.

De mulders contra de brouweren ingesecht, dat de brouwer en sullen voer iider brouwte van 24 mudde moltes den mulders voer hoer verdenst van malen, brengen ende haelen gheven ende betalen 12 brab. st. ter tijdt ende solange, daer anders in geordineert sall sijn.

Nota, dat vergangen Sondage processie geholden omb des jungen koeninges geboerte²⁾ ende Maendage daernaest utinge van de afflivicheit van de graff van Megen, stadtholder etc., de tho Zwoll gestorven tusschen den 7 en 8 Januarii.

Des is den rentmester ordineert geworden, den luyders ende anderen tho contenteren, soe ende als des van oldts in gelijcken saecken ghewoentlyck is gewest, des dan oeck also gescheen tho laten, per Rever. thovoeren anseggen laten, offt solde anders nablijven.

2) Eerste kind van Filips II en Anna van Oostenrijk, jong overleden.